泓・西日料理

今日同朋友去咗大围揾食虽然呢间餐厅唔系大街 但系其实都好近大围站行过去大概只系2分钟路程如果你想清静同朋友倾吓偈不妨考虑吓呢间餐厅😆整体食物唔错 价钱相宜特别深刻既系佢嘅泡菜豚肉 炒得好香好惹味玉子烧带咸香👍🏻呢间餐厅嘅菜单选择都几多刺身 烧物 炸物 寿司都有～最重要系佢都坐得几舒服😆🗯绿茶荞麦冷面 $68🗯自家制玉子烧$58🗯泡菜豚肉$88🗯波波寿司$158🗯深海池鱼寿司 $24🗯油甘鱼寿司 $22🗯赤身寿司 $28🗯厚切鳗鱼寿司$38…查看更多

泓•西日料理位于大围，地点非常方便就脚，而且食物都好高质！先讲个薄烧牛舌，超香牛味又嫩滑又juicy，个油香得嚟唔会太腻，好食到欲罢不能！作为一个海鲜控，一定要点返份鱼生品尝下。叫感一碟池鱼刺身，飞机到港超新鲜又爽口，一定要试下！下一味拖罗蓉加舖系炸天妇罗上面，口感好丰富，两者好配衬好食到停唔到口😋 炸物才都做得好好，外面酥脆𥚃面又唔会太dry~食完啲sashimi同烧牛舌，嚟返个碳水填一填个肚就满足晒，尤其啲半生熟牛肉真系恰到好处，滑得嚟又弹牙～整体而言，餐厅食物质素中上，环境都舒服，最正系时令嘅sashimi，空运到港嘅鲜味真系令人齿颊留香，价钱都好合理，七百蚊两位食到饱😍推介大家钟意日本料理嘅不妨一试！…查看更多

📍 今次推荐大围呢间「泓·西日料理」✨ 小提示：记得提早book枱！🌟 左口鱼煲仔饭👇🏻呢道主食好特别！我都系第一次食😆又香又滑嘅左口鱼，配上煲仔饭！煲仔饭每啖都食到鱼油香，好满足🤤🌟 鳕场甲罗烧👇🏻呢款系特价刺身！超级抵食😜满满嘅蟹膏蟹肉，真心好足料！配上烤多士食，口感丰富🥰🌟 自家制免治鸡肉棒👇🏻免治鸡肉棒沾上酱油蛋汁！完美搭配😋串烧几推荐点呢款试试～🌟 月见京葱薄烧牛舌👇🏻烧牛舌微微焦香，口感唔会好韧😗配埋京葱、蛋黄汁食🌟 吞拿鱼蓉卷👇🏻吞拿鱼蓉多到好夸张！成座山咁😍足料到癫～寿司必点呢款～#大围 #大围美食 #泓·西日料理…查看更多

同朋友因为book唔到中环间左口鱼煲仔饭....就book左依间系大围既居酒屋见到Menu都写紧煲仔饭$178.....点知叫个阵店员话冇做,统一转左做左口鱼煲仔饭....唔预订就要$338,提早预订就$238然后朋友心谂wtf...点解寻晚book枱个阵冇问过有冇需要预订🤷‍♀️🤷‍♀️咁唔紧要啦,同朋友谂住山长水远黎左试下有咩咁惊艳要卖$338....但食先真系完全觉得Overprice~味道唔够香口~另外,仲叫左清酒煮蚬($58): 0清酒味,咁都有十只蚬左右就由佢月见京葱薄烧牛舌($88): 朋友表示好普通.系可以自己系屋企整既程度盐烧白鳝($58):我觉得烧烤堂烧出黎仲好咪过佢😮‍💨谂住同朋友好好食个饭倾下计,但真系食左个空虚😮‍💨😮‍💨买左个教训…查看更多

其实本身完全唔会写食评，正正系因为呢一次所以想写正式嘅第一篇本身系冇Booking嘅，我哋喺Walk in嘅顾客，坐低睇Menu见到啲食物嘅相都有啲期待，本来想试煲仔饭嘅，点知佢话煲仔饭系要预约，结果试唔到，所以最后拣咗个半熟吞拿鱼扒明太子意粉做主菜，再搭少少其他嘢食一开始个一口黑松露甜虾都真系几好食，卖相都唔错之后食咗月见京葱薄烧牛舌，呢个都算系有惊喜，都几好食之后再嚟咗个烧鸡软骨串烧，正常发挥最后嚟咗我地叫嘅主菜，就系半熟吞拿鱼扒明太子意粉，一见到只碟，即刻非常失望，首先呢个主菜系冇摆盘嘅，而且用只碟比茶记啲碟头饭更加凄惨，仲要系崩嘅，一见到碟嘢已经非常失望，其实已经冇乜食欲，咁但系都叫咗，咁就食吓啦，个吞拿鱼呢都算系半熟嘅，但系完全唔系想像中嘅吞拿鱼扒啰，只能够话系一件半熟吞拿鱼再切开两份，而下面𠮶兜意粉呢，只能够喺印尼捞面级，再加啲明太子咁，其实佢主打西式同埋日式料理，食意粉可以俾返只叉我，同埋做得呢个价钱，我都唔suppose只碟系比茶餐厅更加衰嘅碟同埋系崩嘅，结果我哋二人就拎住一对日式嘅筷子喺度食呢个意粉本身一开始其实都算系比较满意同埋有啲期望嘅，但系因为呢个主菜令我哋觉得非常之失望，亦都觉得呢个价钱同实际上嘅体验非常之唔匹配…查看更多