agnès b. Café LPG (已結業)

有贈卷，兩杯飲品兩件cake。是日中環遊，走黎用左張贈卷先。此品牌的巧克力同cake食過幾次，過時過節公司就有得食，印象一般般，咖啡未試過，就要杯latte。先黎cake，懶得睇食評睇下邊款評價高d，都係要自己想試既拿破倫同朱古力榛子既chole。Chole，朱古力味同榛子都係淡淡的，個底又腍腍地。拿破倫，個皮有點硬，唔多鬆化，雲尼拿就尚算香濃，拎返唔少分數。Latte，差唔多食完cake先有，疑似有拉花，定係根本係我諗多左，我真係唔知，睇落真係好似有拉到，不過散左。一飲落口，囉味比咖啡味更出，攪乜野呢，唔知係咪唔洗錢就係咁呢？飲左兩啖已經放棄左。係ifc這分店，d位係一條長長既路，環境光猛係不錯的，不過是日人多，人來人往，撞黎撞去，就唔多舒服。寫寫下先發現，其實唔洗錢仲乜野仲要係到嘈冤巴閉呢，哈，人家可能係偶有失手呢。