金鶴拉麵 (九龍城道) (已結業)

上一个星期我哋去咗天后嘅同一间店，我觉得好好味！上次去食咗鳗鱼饭同埋小食，竟然系冇叫到呢间拉面店嘅拉面嘅，哈哈！今次我哋两个嚟到土瓜湾店，试吓拉面先！（不过我哋太早嚟到，原来依间店晚市系开晚上六点，结果我哋喺附近行一阵再等佢开门)入到去依个吧枱位好靓，好有日式感觉不过我哋今次冇坐吧枱位，上咗阁楼。（想不到拉面店系会有阁楼！)依间店比我哋上一次去嘅天后店大，日式风格装饰都多啲。电视播放有关日本食材嘅节目。今次我哋点咗两款拉面，同埋一个小食。小食系点左明太子鸡翼，好细心咁有锡纸包住个鸡翼尖，食起上嚟方便啲。鸡翼里面去咗骨，明太子嘅份量出乎意料嘅多，味道有少少辣，而外皮香脆。依碗系极浓鸡白汤拉面，个汤底好白，口感非常之滑，鸡味浓郁，连埋拉面食真系好夹。另外喺碗上边嘅配菜系炸牛蒡，我第一次系拉面上见到依款配菜，好香脆。而里面嘅鸡肉同埋日式叉烧亦都好好味，鸡肉好滑，日式叉烧好入味。呢个拉面好值得推介！另外仲有点左黑蒜酱油拉面，黑蒜味好香浓，同头先嘅白汤拉面非常之唔同嘅风格，但系各有特色嘅。呢个汤底同埋个糖心蛋食味道系非常之夹。最后，店里面嘅女洗手间都令我好有惊喜，系好日式嘅智能座厕，哈哈。另外，