鮨生賢

营业中

休息中

是日同女友拍拖周年紀念，一定要搵間好野食！由於我地budget有限（窮鬼），所以我地搞盡腦汁要搵一間好食兼抵食既鋪！聽朋友講呢間野好好食！一於試試佢！一入去已經feel到自己去左日本咁，新裝修，充滿日本地道高級壽司店既氣氛。女友點左份四式魚生飯，我就點左壽司12貫。飯用左赤醋，只有高級食店先會選用！大大隻牧丹蝦，鮮甜既海膽，罕有既蝶魚，加埋特製既拖羅蓉，每一啖都係享受。輪到我既壽司12貫。由罕有既白身魚食到濃郁鮮味既海膽杯，味道一級級上，食材新鮮係基本野，但點樣令到每一件壽司都回味無窮，實在係料理師至高既境界。佢地小店兩公婆自己做，有人情味，又唔會食到趕頭趕命，有講有笑，分享壽司既趣事。呢一餐，滿足。