影片
更多
2019-01-26
1043 浏览
一月係一個好重要嘅月份，因為家姐生日！今年，我提議去一家好特別嘅中式餐廳同佢慶祝，就係樂天皇朝！今次去到尖沙咀嘅樂天皇朝，環境舒適，一睇餐牌先知，原來呢間餐廳係起原於新加坡，但係嚟到香港之後，一啲都冇令我失望！首先，先食個清清哋嘅芝麻醬油麥菜，油麥菜預先煮好，捲成一個個圓筒型咁，食嗰陣蘸少少芝麻醬，又清新又開胃。呢度有好多唔同中國地方特色小菜，都煮得非常出色，上海油燜笋，係我第一次食，好特別，笋炆得好爽，又夠味，食完一條又一條。食雞，小弟就中意食冇骨嘅，呢度個李白醉雞就啱哂我！酒味濃郁，雞肉唔肥，又嫩，食過翻尋味！食完雞，就食下鴨，呢個上海風味醬鴨好有上海嘅味道，因為我讀中學嘅時候，曾經去過上海，食過醬鴨，而家喺呢度食返，啲回憶返返嚟吖，呢度仲要冇咁鹹，鴨肉薄薄的，啱啱好。跟著落嚟，係我要重點推介嘅一道菜，就係四川夫妻肺片！呢度無論肉類選料定調味都相當出色，辣味夠，份量夠，大家一定要試！家姐平時都有食素嘅習慣，所以就叫咗一個龍華素鴨，同樣煮得好好，素鴨口感一流，味道也很好。八色小龍包係樂天皇朝嘅招牌菜，一定要叫，八款唔同味道分別係原味、川味、蒜香、芝士、人參、蟹粉、鵝肝、黑松露，其中芝
今次去到尖沙咀嘅樂天皇朝，環境舒適，一睇餐牌先知，原來呢間餐廳係起原於新加坡，但係嚟到香港之後，一啲都冇令我失望！
首先，先食個清清哋嘅芝麻醬油麥菜，油麥菜預先煮好，捲成一個個圓筒型咁，食嗰陣蘸少少芝麻醬，又清新又開胃。
呢度有好多唔同中國地方特色小菜，都煮得非常出色，上海油燜笋，係我第一次食，好特別，笋炆得好爽，又夠味，食完一條又一條。
食雞，小弟就中意食冇骨嘅，呢度個李白醉雞就啱哂我！酒味濃郁，雞肉唔肥，又嫩，食過翻尋味！
食完雞，就食下鴨，呢個上海風味醬鴨好有上海嘅味道，因為我讀中學嘅時候，曾經去過上海，食過醬鴨，而家喺呢度食返，啲回憶返返嚟吖，呢度仲要冇咁鹹，鴨肉薄薄的，啱啱好。
跟著落嚟，係我要重點推介嘅一道菜，就係四川夫妻肺片！呢度無論肉類選料定調味都相當出色，辣味夠，份量夠，大家一定要試！
家姐平時都有食素嘅習慣，所以就叫咗一個龍華素鴨，同樣煮得好好，素鴨口感一流，味道也很好。
八色小龍包係樂天皇朝嘅招牌菜，一定要叫，八款唔同味道分別係原味、川味、蒜香、芝士、人參、蟹粉、鵝肝、黑松露，其中芝士同黑松露好特別，出奇地夾，濃濃嘅黑松露同小籠包真係絕配呀！
功夫菜我平時好少食，呢個瑤柱芙蓉賽螃蟹唔錯，其實係好簡單，用蛋白煮，再加瑤柱同上湯煮，煮完之後再加個蛋黃，用餘熱煮熟，就咁睇似係蟹肉咁，好得意。
食中菜一定要食炒飯，呢度嘅蟹粉炒飯好足料，好多蟹粉，飯粒分明，高質！
上海菜嘅糖醋魚片真係好好味，魚肉炸到好脆，再配甜酸汁真係好夾，我自己都食到半碟！
食埋個甜品就滿足了，酒釀丸子～
見到家姐食得咁開心，我都好開心啊！
张贴
