影片
更多
2020-11-15
588 浏览
又到咗一年一度食大閘蟹嘅時候，市面推出咗好多大閘蟹放題套餐，我梗係要約埋朋友去試吓啦！ 今次我揀咗包埋任食大閘蟹嘅日式放題， 價錢方面，平日大大閘蟹放題$409 ， 五六日公眾假期加$10。 等咗一陣大閘蟹就上枱，我已經急不及待打開蟹蓋，正呀！見到橙黃色嘅蟹膏，都算有唔少蟹膏喎！ 食落去好香好濃郁，每隻蟹大約有3.5至4 兩，隻隻都爆膏，雖然唔係大蟹，但蟹肉飽滿，仲有流質嘅蟹膏，好似漿糊咁，好creamy！ Encore呀，唔該！食完大閘蟹，梗係要食番個刺身拼盤先，有三文魚、珍寶赤蝦、北寄貝、鮑片、油甘魚、希靈魚等等。 我最鍾意食三文魚，竟然係三文魚腩，肥美鮮甜，珍寶赤蝦，超級大，啖啖肉，仲要爽口彈牙。 其他刺身都唔錯㗎！刺身之外，仲有唔少壽司、軍艦、手卷、炸物，連泰式料理都有。 必試壽司有《海膽醬火炙三文魚》同《海膽親子花之戀》，海膽甘香，又夠creamy ！ 值得推介仲有《泰式魚露燒蝦》同《燒菠蘿》，燒蝦大隻，爽口彈牙，加上魚露特別惹味，鮮味十足； 新鮮菠蘿，特別香甜，燒完都好多汁！加$118 可以upgrade 法國皇家生蠔、海膽火焰帶子同生啤任飲。生蠔係法國生蠔，又夠大隻，特別
等咗一陣大閘蟹就上枱，我已經急不及待打開蟹蓋，正呀！見到橙黃色嘅蟹膏，都算有唔少蟹膏喎！
食落去好香好濃郁，每隻蟹大約有3.5至4 兩，隻隻都爆膏，雖然唔係大蟹，但蟹肉飽滿，仲有流質嘅蟹膏，好似漿糊咁，好creamy！ Encore呀，唔該！
食完大閘蟹，梗係要食番個刺身拼盤先，有三文魚、珍寶赤蝦、北寄貝、鮑片、油甘魚、希靈魚等等。 我最鍾意食三文魚，竟然係三文魚腩，肥美鮮甜，珍寶赤蝦，超級大，啖啖肉，仲要爽口彈牙。 其他刺身都唔錯㗎！
刺身之外，仲有唔少壽司、軍艦、手卷、炸物，連泰式料理都有。
必試壽司有《海膽醬火炙三文魚》同《海膽親子花之戀》，海膽甘香，又夠creamy ！
值得推介仲有《泰式魚露燒蝦》同《燒菠蘿》，燒蝦大隻，爽口彈牙，加上魚露特別惹味，鮮味十足； 新鮮菠蘿，特別香甜，燒完都好多汁！
加$118 可以upgrade 法國皇家生蠔、海膽火焰帶子同生啤任飲。
生蠔係法國生蠔，又夠大隻，特別鮮甜，帶有清淡嘅海水味，好食。
海膽火焰帶子，帶子鮮甜大大隻，夾住海膽嚟食，雙重享受。
飲品方面都有好多選擇，仲有甜品仔同雪糕，真係大滿足！
其實仲有好多食物未試，可以講得包羅萬有，超多種類，啱晒大胃王！ 不過限時兩個鐘，記住食快啲，盡情啲！
张贴
