甜入心 (已結業)

之前已經聽街坊講小菜王附近有間糖水不錯!所以今晚係屋企食完晚飯後,一家大細踢拖落樓下食飯後甜品!我點左楱子拿破倫,因為我好中意食金莎朱古力,哈哈!賣相好吸引,好濃濃的楱子味,好香,好脆,不錯!老公點左香檳果凍,我不喜歡飲酒都覺得這個果凍唔好睇小!佢好重香檳得來,入口啫喱質感,好夾,有入口即溶的感覺!阿囡點左黃金小島,賣相好豐富,芒果沙冰配莓茶凍,好岩夏天解熱!茶凍開胃,大人細路都岩食!(喜歡食芒果的人必食)奶奶不食凍,所以點左熱的椰王燉鮮奶湯丸!好重奶味,又夠滑,配三粒芝麻湯丸,食完亦可食埋椰子肉,夠晒飽!總括食左四樣甜品都不錯,深水涉來說,十分有誠意亦有品質的一間甜品店!難怪附近街坊都有讚,下次一定再來食!