日悅極尚日式放題 (已結業)

早前老婆仔女已吩附落要再來這定放題了！首先，我老婆係唔鈡意食放題既人！而個女亦玩多過食！見佢地咁熱衷呢間食市，就滿足下佢地啦！訂好位星期日6時入座，食客已座滿一半了，一入座阿女即跑去兒童樂園識朋友仔玩啦！環境清潔寬敞，亦有梳化櫈比大人座睇住佢地，絕對放心啦。最多人就係7:30-8時！日式放題唔駛問先叫刺身開心下先啦！我地最愛油甘魚、帶子同臉魚腩！魚鮮甜得黎魚油充足，帶子肥大肉厚，非常爽甜！最欣賞佢地既壽司，海鮮多過飯，唔怕比飯整飽晒！講真，壽司質素真係好過好多日本料理，尤其海胆壽司！遠勝出面比錢買一板板的質量！食完刺身試下熟食先，平時放題真唔會點叫熟食，因為會好飽同質素麻麻！呢道我地竟然食晒所點既熱食！每樣細細份，好多都可按件叫，非常好！唔做大嘥鬼嘛！佢既大根牛舌一定要試，蘿蔔同牛舌炆得非常淋，好味！炸榴蓮炸蠔天婦羅，脆而不漏！讚！燒羊架和燒帶子亦值得一試！老婆好鈡意食烏冬但又怕唔好食，心大心細點了一碗豬軟骨稻庭烏冬，出乎意料地好食，呢碗細細既烏冬，賣相絕不敷衍，豬軟骨煮得好靚，湯底濃郁，仲要係有口感既稻庭烏冬，難怪想再叫一碗！最後當然係甜品時間啦，林林總總既甜品放晒係架上，我選了焦糖