影片
更多
2019-07-30
108 浏览
呢一間海港薈位於北京道1號， 之前都曾經參加過晚上嘅飲宴， 感覺都相當不錯， 地方寬敞， 食物質素高， 而且仲有落地大玻璃， 遠眺一下維港嘅景致。上個週末就同屋企人出來飲茶， 呢度嘅點心質素高， 除咗有平時經常食到的蝦餃燒賣外， 仲有好多得意款式嘅點心， 吸引小朋友。呢一個春風得意腸，用香滑軟熟嘅腸粉皮， 包裹著熱辣辣脆卜卜嘅炸脆網蝦春卷， 腸粉皮帶有米香， 蝦春卷亦餡料豐富。Xo醬炒腸粉， 用小鍋盛載，更能保温。 Xo醬帶有點點辣， 裏面又有蝦米同乾瑤柱， 腸粉煎得非常香口， 絕不馬虎。招牌三色包賣相非常得意， 有非常得意嘅豬仔包， 高貴嘅黑金包， 同埋好少食到嘅核桃包。 豬仔包裏面係流心嘅蛋黃，核桃包甜到亦適中。原隻鮑魚燒賣皇， 就夠曬高貴。 脹卜卜熱辣辣嘅燒賣上面放咗一隻小型溏心鮑魚， 燒賣夠足料，又有香菇，豬肉亦唔會太肥。翡翠筍蝦餃皇， 既然係特點， 就當然係真材實料啦， 翡翠筍爽口， 蝦肉彈牙，帶有鮮甜味， 蝦餃皮晶瑩，軟糯可口，讚。燒味冰燒三層肉，用上盛嘅三層豬肉燒成，外皮非常之香脆， 咬落卜卜脆。 豬肉和脂肪分佈平均， 沒半點油膩感， 點埋黃色嘅芥末醬就最匹配啦。另外呢度
上個週末就同屋企人出來飲茶， 呢度嘅點心質素高， 除咗有平時經常食到的蝦餃燒賣外， 仲有好多得意款式嘅點心， 吸引小朋友。
呢一個春風得意腸，用香滑軟熟嘅腸粉皮， 包裹著熱辣辣脆卜卜嘅炸脆網蝦春卷， 腸粉皮帶有米香， 蝦春卷亦餡料豐富。
Xo醬炒腸粉， 用小鍋盛載，更能保温。 Xo醬帶有點點辣， 裏面又有蝦米同乾瑤柱， 腸粉煎得非常香口， 絕不馬虎。
招牌三色包賣相非常得意， 有非常得意嘅豬仔包， 高貴嘅黑金包， 同埋好少食到嘅核桃包。 豬仔包裏面係流心嘅蛋黃，核桃包甜到亦適中。
原隻鮑魚燒賣皇， 就夠曬高貴。 脹卜卜熱辣辣嘅燒賣上面放咗一隻小型溏心鮑魚， 燒賣夠足料，又有香菇，豬肉亦唔會太肥。
翡翠筍蝦餃皇， 既然係特點， 就當然係真材實料啦， 翡翠筍爽口， 蝦肉彈牙，帶有鮮甜味， 蝦餃皮晶瑩，軟糯可口，讚。
燒味冰燒三層肉，用上盛嘅三層豬肉燒成，外皮非常之香脆， 咬落卜卜脆。 豬肉和脂肪分佈平均， 沒半點油膩感， 點埋黃色嘅芥末醬就最匹配啦。
另外呢度嘅招牌西班牙黑毛豬叉燒包， 用咗西班牙出名嘅黑毛豬製成， 叉燒多汁香甜， 真材實料有保證。
最後要讚嘅就係呢個上海小籠包， 出乎意料的好味， 小籠包注滿湯汁， 味道濃郁， 入面嘅餡料飽滿。
整體而言， 呢一間海港薈除咗地點還影超級方便之外， 環境亦相當唔錯， 一家人一齊嚟飲茶或者晚宴都非常適合。
张贴
