一去到佢地主攻刺身先，再入熱食同飲品，大約5-10分鐘左右刺身就到，我地多人，所以每樣都係叫20件，
但全部都唔夠數，好快就比我地ok左! 值得一讚係keep到水準，全部都係咁新鮮，唯獨三文魚只有少部分係肥美的魚腩位，八爪魚一向就普通!
甜蝦同虎蝦真係唔錯好鮮甜，馬刀貝好清爽! 刺身合共叫左3 round! 其後熟食叫左都好多味道都唔錯而且都係熱辣辣，蜜汁雞翼皮脆肉嫩、天婦羅蝦新鮮美味、天婦羅日本蕃薯細細粒好香甜、牛柳粒好甜美、清酒煮蜆有dd沙但算清甜、燒菠蘿多汁清甜、但炸蠔太厚粉、芝士焗蠔有dd殼碎新鮮程度同口感一般! 汽水、麥茶、菜蜜任飲，啤酒就要收費! 全晚叫左金菇肥牛卷無出現過! 走前食埋雪糕完美啦! 
