鮨㐂 (已結業)

早兩日有個長lunch break,所以約埋同事一齊去食餐好嘅！知道銅鑼灣有間好似幾正喎，於是就book咗位！呢度環景好好，晏就黎又唔算多人，可以靜心等候美食啦！我哋坐係廚師前面，等佢發板。我地嗌嘅套餐包括左一個前菜沙律、一個麵豉湯、一個茶碗蒸旦、九件壽司仲有一個飯後甜品或者飲品。蕃茄沙律個沙律好新鮮，最有驚喜嘅係個乾咗嘅蘑菇，咬落去好有菇味，脆脆地好似餅乾咁。個番茄布甸亦都好特別，口感好好！好滑嘅茶碗蒸旦甜蝦壽司呢度嘅手握壽司全部嘅壽司飯已經點有豉油，所以唔使再自己點㗎啦，呢個甜蝦好鮮味，配埋少少黑松露上去好特別！好肥美嘅帶子壽司，好厚！炙燒三文魚，食得出三文魚好新鮮，配埋個汁好好食！海膽軍艦好香嘅麵鼓湯，同出面嘅麵豉湯唔一樣，呢度嘅好濃味！最後係甜品同咖啡之間揀咗咖啡，細細杯但係出奇地好香咖啡味，好濃郁！