影片
更多
2021-12-20
25 浏览
今晚約咗朋友喺尖沙咀打邊爐，由於朋友對食好有要求，所以今晚間餐廳由佢負責搵。🤪一去到嘅時候就覺得好新奇，因為從來冇諗過喺呢度有間酒店，而且仲有得打邊爐，入面嘅環境裝修令人好舒服，而且仲有好多間房，提供比客人訂枱用。金湯花膠雞鍋未食就咁睇賣相已經令人垂涎三尺，豆皮包住一隻雞、花膠和素翅，豆皮好滑，雞肉鮮嫩，整個湯底好滋補，未開始打邊爐前，我和朋友都分別先飲咗兩碗湯呢！本地手切封門柳🥩切成薄片的封門柳，肉味濃郁，口感細嫩，脂肪較少，極之美味！而且半分嘅份量都好多！自家製紫菜響鈴即叫即炸嘅響鈴真係特別好味，而且今次入面包有紫菜，令口感層次提升左。脆鯇腩一碟有八件，每件大大塊，食落好爽脆，有口感！手打黑松露墨魚丸呢啲手工丸絕對係心機嘢，墨魚丸爽口彈牙，有好香嘅黑松露味，而且仲食到粒粒的墨魚，正！呢餐打邊爐真係令我回味無窮，希望下次都可以帶屋企人一齊試吓啦！
今晚約咗朋友喺尖沙咀打邊爐，由於朋友對食好有要求，所以今晚間餐廳由佢負責搵。🤪
一去到嘅時候就覺得好新奇，因為從來冇諗過喺呢度有間酒店，而且仲有得打邊爐，入面嘅環境裝修令人好舒服，而且仲有好多間房，提供比客人訂枱用。
金湯花膠雞鍋
未食就咁睇賣相已經令人垂涎三尺，豆皮包住一隻雞、花膠和素翅，豆皮好滑，雞肉鮮嫩，整個湯底好滋補，未開始打邊爐前，我和朋友都分別先飲咗兩碗湯呢！
本地手切封門柳🥩
切成薄片的封門柳，肉味濃郁，口感細嫩，脂肪較少，極之美味！而且半分嘅份量都好多！
自家製紫菜響鈴
即叫即炸嘅響鈴真係特別好味，而且今次入面包有紫菜，令口感層次提升左。
脆鯇腩
一碟有八件，每件大大塊，食落好爽脆，有口感！
手打黑松露墨魚丸
呢啲手工丸絕對係心機嘢，墨魚丸爽口彈牙，有好香嘅黑松露味，而且仲食到粒粒的墨魚，正！
呢餐打邊爐真係令我回味無窮，希望下次都可以帶屋企人一齊試吓啦！
张贴
