影片
更多
2019-05-27
92 浏览
難得今日男朋友收早 一於接佢收工畀個驚喜佢 我哋兩個呢排都比較忙 已經好少見面 食餐飯都難男朋友好細心佢知道我鍾意食生蠔 所以特登book咗呢間放題同我食 唔同時段有唔同收費 供大家參考一下 呢度有一個優勢就係開到凌晨兩點 宵夜時段 最平最抵食而家只要加$118就可以升級任食優惠 可以任食法國皇家生蠔， 海膽火焰帶子，生啤任飲！唔好講咁多 即刻叫打蠔食下先！ 全部即叫即開好新鮮 上枱嘅時候仲係生勾勾㗎每隻蠔又大又肥美 質素相當高 海水味唔會太重 有蠔味 裙邊非常爽脆要稱讚嘅一點 係師傅開蠔手勢非常好 完全食唔到有碎殼呢個海膽帶子又係不得了 海膽同埋帶子都係我鍾意食嘅嘢 帶子嘅鮮嫩鮮甜味道加埋海膽獨特嘅香味 簡直係味覺嘅一大享受 而且海膽份量夠曬多 呢種食法真係相當奢侈 但係真係好好味壽司方面選擇都幾多 有刺身，火炙，手捲，軍艦…… 整體夠新鮮 壽司飯唔會太大嚿 一啖一口 唔怕食唔落其他嘢 而且可以試多幾款軟殼蟹手捲 軟殼蟹是即叫即炸 熱辣辣而且脆卜卜 仲非常juicy 配上粒粒蟹子口感非常好 最重要外面嘅紫菜仲係脆㗎刺身方面賣相整齊而且漂亮 魚生是厚切的 所以入口非常滿足 非常推介三
男朋友好細心佢知道我鍾意食生蠔 所以特登book咗呢間放題同我食 唔同時段有唔同收費 供大家參考一下 呢度有一個優勢就係開到凌晨兩點 宵夜時段 最平最抵食
而家只要加$118就可以升級任食優惠 可以任食法國皇家生蠔， 海膽火焰帶子，生啤任飲！
唔好講咁多 即刻叫打蠔食下先！ 全部即叫即開好新鮮 上枱嘅時候仲係生勾勾㗎
每隻蠔又大又肥美 質素相當高 海水味唔會太重 有蠔味 裙邊非常爽脆
要稱讚嘅一點 係師傅開蠔手勢非常好 完全食唔到有碎殼
呢個海膽帶子又係不得了 海膽同埋帶子都係我鍾意食嘅嘢 帶子嘅鮮嫩鮮甜味道加埋海膽獨特嘅香味 簡直係味覺嘅一大享受 而且海膽份量夠曬多 呢種食法真係相當奢侈 但係真係好好味
壽司方面選擇都幾多 有刺身，火炙，手捲，軍艦…… 整體夠新鮮 壽司飯唔會太大嚿 一啖一口 唔怕食唔落其他嘢 而且可以試多幾款
軟殼蟹手捲 軟殼蟹是即叫即炸 熱辣辣而且脆卜卜 仲非常juicy 配上粒粒蟹子口感非常好 最重要外面嘅紫菜仲係脆㗎
刺身方面賣相整齊而且漂亮 魚生是厚切的 所以入口非常滿足 非常推介三文魚 又厚又肥 瞬間在口腔融化 好滿足呀
泰式炒通菜 估唔到咁好味喎 炒得有鑊氣 味道辣辣地 好惹味
由於我真係太肚餓嘅關係所以叫咗個炒烏冬 未食已經聞到好鬼香 而且顏色都好似唔錯 食落去麵質唔會太淋或者太硬 口感不錯
餐廳重設有大大個雪櫃 入面放滿曬各種各樣嘅飲品 歡迎自取 是任飲的
最後梗係要食埋甜品啦 呢度除咗有雪糕雪條之外仲有自家製嘅糕點 記得留肚食埋甜品先好走
张贴
