走過十萬八千里找到你

营业中

休息中

走過十萬八千里找到你 (旺角)旺角彌敦道575號Ladder Dundas10樓放工食飯想打卡靚，就一定要來看看、坐坐，俾個餐廳名吸引到，其實裝修就好似個名咁浪漫，走過萬水千山，搵到一間好餐廳同一個對的人一樣幸福。平日嘅晚餐時段都人山人海，就知萬綠叢中一點紅嘅乾花佈置幾吸引。點咗兩個餐，有餐湯同餐包送上，餐湯係蘑菇湯，非常濃郁，蘑菇蓉口感綿密，好飲。餐包暖暖地，外脆內軟，點湯係係鹹甜得宜。日式鰻魚意粉 🍝西日Fusion菜，串燒上嘅鰻魚都好方便，仲有食燒烤串嘅感覺，蒲燒鰻魚醬汁甜甜，配上扁意粉夾埋食口感一流。明太子岩鹽燒棒貓耳朵明太子唔算太鹹，鹽燒蟹棒幾入味，好少地方有得食貓耳朵，厚身腍滑嘅質感，又有少少彈牙，其實都幾有嚼勁，我就覺得呢款好啱食啦。冰黑芝麻濃香黑芝麻，聞到濃厚嘅黑芝麻味道，證明自家打磨，入口細滑，仲有黑芝麻好健康，又好飲。冰玫瑰抹茶外型賣相就足夠靚啦，最鍾意有玫瑰🌹碎花喺上面，浪漫💕飲落抹茶同玫瑰又好夾啵，賞心悅目圓滿呢一餐就靠佢啦。