云手工火鍋店

营业中

休息中

今日同friend 行行下見到間好得意既酒店，入面有間火鍋店，所以入去幫襯下! 估唔到咁高質數，真係要讚下！金湯花膠雞鍋侍應哥哥好有心機講解呢個湯底， 有嫩滑嘅雞肉，濃濃嘅白雞湯，素翅，仲有花膠添! 一開始就飲咗兩碗雞湯， 湯味濃沃更有膠質嘅口感， 加埋花膠，即刻感覺到皮膚補充左骨膠原。本地手切牛頸脊師傅刀功出色，牛頸脊片片厚度均勻，入口充滿濃厚牛味，脂肪比例平均，口感豐富！自家製紫菜響鈴響鈴一直係我同朋友嘅必選打邊爐菜式! 呢個響鈴炸得鬆脆， 加埋鹹鹹嘅紫菜， 非常惹味!新鮮黑柏葉黑栢葉爽口彈牙，並非平時被漂白既牛柏葉能夠媲美！一食就覺得啲黑柏葉好新鮮！真係好正！西班牙黑毛豬薄薄嘅黑毛豬亦盡顯師傅刀工! 肉嫩彈牙，肥瘦均勻，油脂分佈適中，薄切打邊爐真係一流呀!油麥菜其實食到尾聲，真係已經好飽喇。 我同朋友都覺得對油麥菜唔住。見到師傅擺盤擺得咁靚， 成個盆栽咁 ! 我同朋友都堅持要食埋佢!今餐真係好滿足呀! 最後都要讚一讚啲侍應哥哥, 令到我哋好似喺台灣打邊爐咁！