影片
更多
2022-12-27
158 浏览
中環日本嘢有好多，但係做懷石料理真係少數。呢間ushidoki係新加坡既過江龍，日本師傅話嚟咗香港都用咗幾個月時間設計菜單，幾乎每道菜都係和牛料理，但每一道都用唔同方式烹調，整體體驗非常滿足。開胃菜係燒牛肉伴燒帆立貝，兩者都有淡淡炭火香味，搭配溫和嘅蓮藕汁，味道更順口。之後一個望落去好似幾清淡嘅湯，其實用咗三種唔同湯底熬製，入面有蟹肉同牛舌片，另外仲有粒帶柚子清香嘅山芋，飲落非常鮮甜。然後係用櫻桃木煙燻嘅和牛他他配海膽同魚子醬，以旁邊嘅天婦羅紫菜沾嚟食，口感豐富。過程中師傅都好熱心介紹唔同食材畀我哋睇，佢哋嘅牛肉全部都係A4或A5級既小田和牛，其他食材都好新鮮，好似呢個和牛丼除咗有充滿油花嘅和牛片，仲有即刨嘅黑松露片，搭配蛋汁一齊食，份外滿足。食到一半有一個柚子葡萄沙冰，等味蕾重新出發，再上以炭火烤嘅和牛壽司，呢個部位牛肉冇之前咁多脂肪，但肉味較濃。之後係吉列和牛三文治，同樣配魚子醬同海膽，油脂非常甘香。今晚另一個湯物係即場用高湯燙熟嘅和牛同白子，和牛當然冇得輸，就算係白子亦非常新鮮完全冇腥味。之後嘅燒和牛粒絕對全晚亮點，因為擺盤非常靚，用唔少時令食材好似栗子、茄子同稻米等，配合秋天主
開胃菜係燒牛肉伴燒帆立貝，兩者都有淡淡炭火香味，搭配溫和嘅蓮藕汁，味道更順口。
之後一個望落去好似幾清淡嘅湯，其實用咗三種唔同湯底熬製，入面有蟹肉同牛舌片，另外仲有粒帶柚子清香嘅山芋，飲落非常鮮甜。
然後係用櫻桃木煙燻嘅和牛他他配海膽同魚子醬，以旁邊嘅天婦羅紫菜沾嚟食，口感豐富。
過程中師傅都好熱心介紹唔同食材畀我哋睇，佢哋嘅牛肉全部都係A4或A5級既小田和牛，其他食材都好新鮮，好似呢個和牛丼除咗有充滿油花嘅和牛片，仲有即刨嘅黑松露片，搭配蛋汁一齊食，份外滿足。
食到一半有一個柚子葡萄沙冰，等味蕾重新出發，再上以炭火烤嘅和牛壽司，呢個部位牛肉冇之前咁多脂肪，但肉味較濃。
之後係吉列和牛三文治，同樣配魚子醬同海膽，油脂非常甘香。
今晚另一個湯物係即場用高湯燙熟嘅和牛同白子，和牛當然冇得輸，就算係白子亦非常新鮮完全冇腥味。
之後嘅燒和牛粒絕對全晚亮點，因為擺盤非常靚，用唔少時令食材好似栗子、茄子同稻米等，配合秋天主題，非常有心思。
雖然已食到好飽，但仍然食晒呢碗牛肉稻庭烏冬，因為除咗擺盤靚，個牛肉清湯好鮮甜，連埋粉嫩嘅和牛片，係完美組合。
最後嘅甜品，亦都好有心機，日本嘅最中餅夾住栗子蓉同雪糕，另外仲有一個迷你嘅抹茶布丁，可以話係完美作結。
總結餐廳食物無論味道、賣相都好有水準，服務亦非常好，全程令人覺得享受緊正宗懷石料理，值得期待及一試。
张贴
