同燒肉友試咗K11呢間新開日式燒肉店，兩個人叫咗個「牛舌盛宴」！重點推介【花切長牛舌】$138，將成條牛舌切到咁薄，燒到微焦邊脆卜卜，咬落仲有彈牙感，點少少檸檬汁已經好正～
【雪花牛小排】$138揀咗無醬汁版本，反而更食到牛嘅油脂香！建議燒到五成熟，入口即溶嘅油花配埋白飯$18真係無得輸。【夢見鳥雞胸軟骨】$78加辛辣味噌好惹味，軟骨脆口得嚟唔會啃親，送酒一流！
海鮮控要試【牛油燒廣島蠔】$68，蠔身飽滿加牛油香，燒到啱啱熟爆汁超鮮甜！配菜【翠肉瓜】$38清甜多汁正好解膩。前菜【泡菜】$28同【塩味枝豆】$32都醃得夠入味，等燒肉時食兩舊😎
2
