一喜‧拉麺

营业中

休息中

石門站新開張既一喜拉麵，每碗都可以自己揀湯底濃度、麵條硬度；加$30可以升級做滿腹套餐，追加一款自選小食和飲品，讓你食得更滿足。吉列炸蠔：外層炸到金黃酥脆，內裡既蠔肉肉質豐滿、鮮甜無比，甘香十足。羽根燒餃子：餃子皮厚薄適中，裡面既餡料調配得宜，蘸上酸酸地既餃子汁，更加美味可口。每一碗拉麵都附有大塊紫菜、蔥花、木耳等配料，麵條煮得剛剛好，咬落細緻彈牙，與湯底完美融合，充分提升左整體既風味。醬油豚骨湯拉麵：叉燒肥瘦均勻，表面經過炙燒，帶有微微既焦香，湯底入口非常濃稠，飲到啖啖豬骨香氣。豬軟骨醬油豚骨湯拉麵：期間限定既新品，豬軟骨特大厚切，炆得軟腍入味，溏心蛋煮得非常出色，滿載住九州風味。總結，小店地點方便，食物即叫即做，足料好味，店員服務態度有禮，CP值高。