影片
港铁石门站 C 出口, 步行约3分钟
继续阅读
电话号码
28810218
营业时间
今日营业
12:00 - 21:00
星期一至日
12:00 - 21:00
*(截单时间8:30pm)
以上资料只供参考，请与餐厅确认详情
【沙田区】【一喜‧拉麺】石门本身有间拉面叫「面道」几好食，不过早排就已经结业，变返啲小食店就比较适合石门嘅朋友。而拉面嘅选择就变咗系呢间感觉开咗唔系好耐嘅「一喜‧拉麺」，入到去发现佢哋门可罗雀，不过我系下午去，拉面舖下昼冇乜人某程度上又系合理嘅，就坐低。我叫 $79 嘅「浓厚酱油豚骨汤叉烧拉面」，感觉有啲似家庭式制作，个浓厚酱油豚骨汤好似有啲薄身，但块叉烧唔错，面底都几好，加埋啲葱呀，木耳丝呀咁，系对得住个价钱嘅水准。一碗面肯定唔够喉，我仲加 $30 要埋「满腹套餐」，有小食、饮品各一款。小食我要「炸海苔鱿鱼」，饮品我要「樽装麦茶」，前者冇乜味好普通，后者系道地𠮶款。再叫追加配料 $18 嘅「烤鸡叉烧」，叉烧咁嘅鸡，又几得意，相对又比较浓味。咁样食法，埋单 $127 就唔过份嘅，只系每样食物都唔突出嘅时候，好难有动力再去食。。。（地址：沙田石门安群街3号京瑞广场1期地下G18号舗）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田区 #沙田 #石门 #一喜‧拉麺 #一喜拉麺 #一喜拉面 #一喜‧拉麺 #浓厚酱油豚骨汤叉烧拉面 #满腹套餐 #炸海苔鱿鱼 #樽装麦茶 #烤鸡叉烧 #1am1678 #1ambackup
继续阅读
夜晚8点同frd行完街，冇乜idea、谂住求其食啲嘢返屋企，search到呢间拉面，原来就喺港铁站出口，里面冇乜人；frd单嗌$83黑蒜豚叉烧拉面，我嗌$79酱油清汤叉烧拉面，再跟set加$30嗌炸鱿鱼须同一支绿茶......老实讲冇乜性价比但香港不嬲高消费，定价更贵嘅拉面店我都去过，呢间算系咁，有地方坐吓吹住水食我就ok（京瑞𠮶头一出地下呢层好多都系takeout或者大陆style食店）
继续阅读
夜晚嚟石门做嘢，真系赶喉赶命，得半个钟要搞掂晚餐，一边搭车就一边Search嘢食，唔想又去大乜活......世估唔到，石门居然有拉面，「一喜」个名就冇乜特别，但嘢食真系令人「一喜」。晚餐几经济，一碗细版拉面，一碟扬物，一盒饮品，七十蚊茶记价钱。最初唔系好大期望，见啲店员都系小朋友，又自己友顾住倾偈，估佢都系茶记质素。但嘢食嚟到，叉烧系炙过，汤都几似样，仲有大块紫菜，几OK咁。食落第一感就系汤好够热，味道正常，唔系得味精；面幼，但真系似日本拉面，口感不错。其他，叉烧一般般喇，木耳就真系冇乜味，三粒炸物是是但但食得落，有助饱肚，68元，我觉得抵到烂，已经好食过「面屋X藏」之流。下次又一支公嚟做嘢，我会帮衬多次，试埋有味蛋。
继续阅读
今日同老婆去石门揾食，佢极力推介呢间拉面店，话平日lunch成日帮衬，果然无介绍错！ 我嗌咗碗「味玉酱油豚骨汤拉面」，汤底拣中味，唔会太咸又够浓郁，豚骨香得嚟唔腻，正！幼面吸汤能力一流，每啖都挂到汤，叉烧肥瘦适中，入味又唔柴。追加嘅糖心蛋流心效果perfect，蛋黄捞汤真系无得输。 老婆食「特浓黑蒜豚叉烧拉面」，黑蒜味超香，汤底浓得嚟唔会苦，粗面咬口十足，啱晒重口味人士。跟餐嘅「羽根烧饺子」底脆馅juicy，虽然得3只但够晒料。支装绿茶冻冰冰，解腻一流。 服务几贴心，店员会主动问面嘅硬度同汤底浓度，上菜又快！下次再嚟一定会encore～
继续阅读
一段时间无食拉面，成日心思思想食又难出远门，今日行经石门站先发现原来都有间拉面店！价钱唔算太贵，仲有啲Set 可以拣！.➜蟹皇汤拉面当日有期间限定嘅蟹皇汤拉面，拣咗店员大推嘅自家制慢煮猪豚骨，甜酱油味刚刚好，够晒软淋，蟹皇汤底鲜味十足，我哋仲加咗溏心蛋，原粒上冇切开嘅，咬落蛋香味浓。.➜酱油豚肉汤拉面另一碗就拣咗粗面底，其实唔系真系粗面，系口感唔同啲嘅曲拉面，猪太郎就觉得食落弹牙啲又排汤啲！汤底好浓好杰身，叉烧厚薄适中，配上爽口木耳丝同葱花，口感满分！.两碗拉面都可以 $30 追加腹满套餐包返小食同饮品各一，炸海苔鱿鱼香口好食，外面脆口，内里弹牙！吉列炸蚝即叫即炸热辣辣 ，蚝肉都算大粒，外脆内软。.#msmessypig_Food
继续阅读