函館元祖北海道拉麵 (已搬遷) 新店位置

到落車前熱量吸收指數為零，落車後想著吃吉列豬扒，公司附近除了函館外，想不出那裡吃到合規格的吉列豬扒。打定主意吃吉列豬扒，誰知阿姐話師傅研發多時的吉列海老終於推出，心想此品餐牌早已有之，何新之有？見未試過，難得阿姐又肯花五分鐘時間落力的解釋，一試無妨。別小看舖面細細，又位在不起眼處，單是吉列定食已包括漬物、主菜、小碗湯麵、沙律，就連伴碟的椰菜絲雖非「當吉」用的日本貨，但切得極為幼細，吃得出絲絲爽甜味道。定食例牌附送小碗鹽湯味，是日沙律是沾了碎熟蛋沙律醬的通粉，幾細心別緻。著眼點的吉列海老，原來是將細蝦原粒安次序塗上麵粉、蛋及麵包糠而成，炸出來金黃薄脆，賣相、味道同口感都有水準，雖然不及「當吉」用科學化的專用器具炸的細緻，但單靠人手能炮製出不油而香脆的合規格吉列美食，由主菜到椰菜絲的點滴功夫亦毫不怠慢，踏出門後，感動閃身而過。