影片
更多
2018-12-19
107 浏览
朋友知道我鍾意食海鮮，所以特登搵左呢間日式爐端燒餐廳同我去食！呢間餐廳位於將軍澳一個準備開業的商場內，附近人流不算多，但是當晚入坐率竟然都好高，睇黎一定好好食啦餐廳裝修走傳統日式路線，最特別係一旁有幾間榻榻米既包房，客人要除鞋先可以進內，好有趣原來朋友帶我黎呢間餐廳就係為左呢個遊戲！客人只需要在指定時間內，使用特製既長筷子在水箱內夾到既所有海鮮就都係屬於你既一分鐘168蚊，半分鐘98蚊，我當然挑戰一分鐘啦。又抵又好玩，真係好正！水族箱內既海鮮全部好新鮮，而且係由日本空運黎架！最後我用一分鐘夾左三個北海道帆立貝、四個象拔蚌、兩個聖子王同一個廣島蠔！！呢度如果正常係餐牌點要六百幾蚊！玩呢個遊戲只需168咋！！我真係超開心食既時候都見到其他人有玩呢個遊戲，佢地都收穫好多夾完之後餐廳會拎去洗淨，跟住我地就可以自己燒熟d海鮮啦！燒海鮮時有酒、牛油蒜蓉醬同海鹽醬比我地加，我就鍾意就咁落酒，因為唔加太多味道更能突出海鮮本身既甜味！睇圖可能唔覺海鮮好大，但其實隻隻都超巨型！聖子王有我半個手臂長，帆立貝就超厚肉超大粒，就算熟左都有2.5cm左右厚！全部海鮮都非常新鮮，就咁加d酒去煮就好鮮味！帆立貝同聖子
餐廳裝修走傳統日式路線，最特別係一旁有幾間榻榻米既包房，客人要除鞋先可以進內，好有趣
原來朋友帶我黎呢間餐廳就係為左呢個遊戲！客人只需要在指定時間內，使用特製既長筷子在水箱內夾到既所有海鮮就都係屬於你既一分鐘168蚊，半分鐘98蚊，我當然挑戰一分鐘啦。又抵又好玩，真係好正！
水族箱內既海鮮全部好新鮮，而且係由日本空運黎架！
最後我用一分鐘夾左三個北海道帆立貝、四個象拔蚌、兩個聖子王同一個廣島蠔！！呢度如果正常係餐牌點要六百幾蚊！玩呢個遊戲只需168咋！！我真係超開心食既時候都見到其他人有玩呢個遊戲，佢地都收穫好多
夾完之後餐廳會拎去洗淨，跟住我地就可以自己燒熟d海鮮啦！燒海鮮時有酒、牛油蒜蓉醬同海鹽醬比我地加，我就鍾意就咁落酒，因為唔加太多味道更能突出海鮮本身既甜味！
睇圖可能唔覺海鮮好大，但其實隻隻都超巨型！聖子王有我半個手臂長，帆立貝就超厚肉超大粒，就算熟左都有2.5cm左右厚！全部海鮮都非常新鮮，就咁加d酒去煮就好鮮味！帆立貝同聖子王真係超推薦，同我係日本食既質素差唔多
除左呢d，我地仲叫左三款壽司
左口魚邊壽司入口食到甘甜的魚油味，微微烤過令層次更豐富，好好食
牡丹蝦壽司$72蚊就有兩個，非常抵，入口香甜，蝦頭d蝦膏都好甜好新鮮
鰻魚壽司雖然不錯，但其它太好食，相較不算太特別
北海道炸八爪魚外皮炸得很脆，內裏是有咬口既粗八爪魚腳，不錯
海苔鵪鶉蛋非常適合送酒，用特製醬汁燒過既鵪鶉蛋，配上鵪鶉蛋的大蛋黃，正呀
最後既最後，黎呢d餐廳一定不能少既就係酒類飲品啦！我超推薦柚子梅酒柚子既酸甜味配上梅酒，好特別，而且酒味較濃，適合唔鍾意苦澀酒味又想飲高d酒精既人
朋友叫左呢杯蜜瓜雪糕highball，佢話好特別，最尾雪糕融落杯酒之後更正窩
兩個人，食左咁多野都係600蚊，真係非常抵呀好開心
张贴
