點心到 MIX·大排檔

旺角『點心到』今次是我第二次幫襯嘅餐廳，上次是和媽媽飲早茶，時間大約10:30am左右，上次叫嘅係蝦餃、燒買、鵪鶉蛋燒賣、南瓜粥，到了11點再叫埋佢個豉油王龍鬚炒麵。上次叫嘅點心除咗南瓜粥其他都好好味，豉油王龍鬚炒麵並不是熱辣辣只是和暖感。但總括味道是很好的，所以今次我們便專程來到這間興祝父親節，原本想book午餐的，但它在晚上6點前都不能book枱，所以今次我們book了晚飯7點，最可惜點心只做到四點半，感覺就怪怪的，名字就是『點心到』卻沒有點心吃😂😂。

今次叫左:

乾炒牛河 $ 68
豉油王龍鬚炒麵 $ 62
飛天通菜煲 $ 68
鑊氣小炒王 $ 76
薑蔥豆豉雞煲 $ 88
深海墨魚汁海鮮麵 $ 82
菠蘿生炒骨 $ 76
椒鹽鮮魷 $ 78

第一來就是豉油王龍鬚炒麵，比上次熱少少但都不是熱辣辣，味道依然很好。

豉油王龍鬚炒麵

$62

乾炒牛河，因為他們的河粉已用完，所以轉了腸粉給我們，腸粉炸過先炒，其實我覺得唔使炸，就噉炒仲好食👀，不過我就覺得呢度菜誠意搭夠。

乾炒牛河（因沒河粉轉了腸粉）

$68

飛天通菜煲和乾蔥豆豉雞煲都熱辣辣味道不錯，但鑊氣小炒王真係少少鑊氣都感受唔到😒。

飛天通菜煲

$68

乾蔥豆豉雞煲

$88

鑊氣小炒王

$76

深海墨魚汁海鮮麵，因爲我係唔食墨汁整嘅嘢，所以我無法感受到呢個菜。雖然它賣相麻麻地，但其他人都話呢個好食，所以我就給四星星吧。

深海墨汁海鮮麵

$82

以下這兩道菜真的希望『點心到』認真改善下，我只食到麵粉，基本上食不到肉，特別是椒鹽鮮魷，根本就是欺騙觀眾。

菠蘿生炒骨

$76

椒鹽鮮魷

$78

其實呢兩個餸都唔平架，都要70幾蚊，不過其他都唔錯，所以當扯返平。

父親節以這個價錢吃晚餐（人均$115），其實已經很好。