佳記餐廳 (已結業)

逛開旺角一帶, 在砵蘭街的佳記餐廳食左個茶餐!

肥牛公仔麵, 牛油多士加奄列, 連凍檸茶一杯, 三十二蚊, 價錢唔平, 不過味道唔錯, 牛肉公仔麵的牛肉幾嫩同幾好味, 茶餐廳通常只食到一些用梳打粉乸過的雪牛, 用到咁好的牛肉都係少見, 加上仲有兩片西生菜墊底, 幾有心思同誠意了

牛油多士嚟到先知係一個英式的鬆餅, 又係落本錢之作, 當然比起方包好食好多, 收得三十幾蚊, 但質素提升了, 所以值得介紹!