影片
更多
2022-10-25
992 浏览
喺朋友屋企打牌，差唔多到晚飯時間，就喺外賣App搵吓有乜好食📲。其中有一間叫「食驗室F.A.T Lab」，除咗名字好過癮之外，佢仲提供多國美食，就算各人口味不同，都可以一齊嗌嘢食。小店係一間外賣店🥡，但裝修都算幾型格。如果到店買嘢食的話，就要自助落單。即使係咁，外籍店員其實都好友善，並會主動提供協助。呢度嘅食物種類繁多，包括墨西哥餡餅、烤捲、漢堡包、沙律、丼飯同韓式小食等，相信總有一款啱食😜。食物定價相宜，大部份菜式$50以內有交易，難怪咁多人幫襯。W3香港經典捲($45)，所謂嘅港式風味係指蕃茄焗豬扒🍅🐷，豬扒切成粒狀，均勻地滲透於整條烤捲之中，蕃茄味自然，帶少少甜，另外仲夾埋爽脆嘅生菜，以添口感。🌯捲物Wrap雖然唔算大碌，但勝在足料，而且薄餅皮鬆軟。Q1泰式風情辣肉碎餡餅($48)，佢係墨西哥餡餅Quesadilla🌮，製法正宗。食物即叫即整，送到手上都仲係熱辣辣，所以芝士拉絲效果強勁🧀，並且能稍為中和肉碎嘅辣味。我認為呢款Fusion口味好出色🇹🇭，其他餐廳可以參考一下，哈哈。D3雲上·豚($48)，佢係溫泉蛋豚肉生薑燒飯🍚，唔好睇佢碗仔細細，其實裝到好多飯。同時，豚肉都有好多
喺朋友屋企打牌，差唔多到晚飯時間，就喺外賣App搵吓有乜好食📲。其中有一間叫「食驗室F.A.T Lab」，除咗名字好過癮之外，佢仲提供多國美食，就算各人口味不同，都可以一齊嗌嘢食。
小店係一間外賣店🥡，但裝修都算幾型格。如果到店買嘢食的話，就要自助落單。即使係咁，外籍店員其實都好友善，並會主動提供協助。
呢度嘅食物種類繁多，包括墨西哥餡餅、烤捲、漢堡包、沙律、丼飯同韓式小食等，相信總有一款啱食😜。食物定價相宜，大部份菜式$50以內有交易，難怪咁多人幫襯。
香港經典捲
$45
27 浏览
0 赞好
0 留言
泰式風情辣肉碎餡餅
$48
16 浏览
0 赞好
0 留言
D3雲上·豚($48)，佢係溫泉蛋豚肉生薑燒飯🍚，唔好睇佢碗仔細細，其實裝到好多飯。同時，豚肉都有好多塊，用生薑調味幾正，再加埋洋蔥絲同🍳溫泉蛋伴飯一流。唯一挑剔嘅地方就係啲飯濕咗啲。
韓味煙肉薯仔煎餅
$54
16 浏览
0 赞好
0 留言
總括嚟講，👩🔬餐廳果然冇改錯名，作為一個食驗室，佢帶畀客人豐富嘅選擇，而且食物味道亦相當唔錯。有機會再去朋友屋企玩，我都會再幫襯！
张贴
