食驗室 (譚臣道) (已結業)

去完同朋友shopping返屋企就決定食少少輕食，又唔想食太多就經過譚臣道呢一間主要食外賣嘅餐廳，佢係主打外賣，並沒有堂食的，我就叫咗一個韓式甜酸醬炸雞，拎返屋企食，餐廳都係即叫即炸的，價錢就係$58！返到屋企打開有椰菜酸蘿蔔同埋炸雞，炸雞份量尚算足夠，雖然會好大件，但係都好多，都有八件，首先食咗酸蘿蔔，味道都尚算幾好酸酸哋亦都非常開胃，椰菜就冇乜特別啊都係普通，主角炸雞熱辣辣非常好食，再加埋甜酸醬配搭上口感都唔錯，呢個價錢嚟講灣仔其實都差唔多，有機會下次會試吓去其他唔同嘅外賣

灣仔返工，因為睇咗OpenRice食評，所以外賣自取試吓味道。原來OpenRice真係可以好伏！呢個韓拌派對-韓烤五花肉泡菜飯$48，價錢其實唔貴，啲肉嘅質地同埋味道都係正常嘅，泡菜都係正常嘅，但係個飯真係好唔掂，濕濕地淋淋地，暖暖地凍凍地嘅飯粒互相交雜，即係一啖暖一啖凍，冇微波爐翻熱，食到一肚氣。最終我只係食咗啲餸，因為啲調味都比較濃，勉強食咗幾啖飯，而家呢啲咁嘅濕凍天氣，呢碗飯真係令人覺得好難過，店員又唔係忙，見佢坐喺counter都好得閒，點解唔叮熱啲飯先俾我？

我於6/2（一）中午約十二時半在OpenRice下單，點了一個素味丼（雜菌野菜親子丼-素食），$49。到達餐廳後等了約15分鐘才取餐，現場下單則$48。以位處灣仔的外賣店來說，價錢便宜，抵吃，亦見到有不少是透過網上下單的客人。現場有1部落單機，只接受電子付款。雜菌野菜親子丼：有菇、蔬菜、蛋、紅蘿蔔絲、大白菜，料都多，飯亦足夠女孩子👌🏻，比較淋身吃到一半，突然發現有蛋殼😵‍💫，看來餐廳的把關未達標準🤨味道尚可，但有少許瑕疵

試左呢間新開嘅外賣小店幾唔錯阿，價錢相宜，選擇夠多，買個lunch/dinner都好方便，吸引左好多外國人去。🍴香港經典捲餅 $45焗豬就食得多 蕃茄豬扒夾落捲餅真係第一次試餅皮軟熟 入面夾左生菜 好多一條條嘅豬扒 蕃茄蓉蕃茄醬汁味道濃郁 食落好足料好滿足😋將港式經典加入創新元素 好特別 🍴韓味泡菜煎餅 $46面頭煎到香香的 內裡好軟糯泡菜香口 帶有小小刺激好有韓國嘅感覺 🍴卡邦尼意粉 $54估唔到咁濃嘅芝士味！醬汁調較到可以完全掛係扁意粉上配埋煙肉 整體係好夠濃郁鹹香 好味👍 🍴韓拌派對 $48韓烤五花肉拌泡菜飯材料都幾豐富 五花肉醬料好香 撈埋泡菜好惹味米飯用左珍珠米 軟綿嘅口感同青瓜泡菜嘅爽脆又幾夾喎😉 店舖裝修好有未來感🤣，仲有得自助落單，不過要留意只接受電子支付阿。

收工經過修頓附近，見到有呢間實驗室🤣入黎試下係咪會食到變肥仔「F.A.T.」 餐廳是以外賣店為主，揀緊野食時已經不停見到外賣專員出出入入。餐牌都好多選擇，由日到韓，由丼飯、Burger、Wrap、再到韓式小食，望到餐牌都好想食。價錢唔貴，幾抵食🌱黑松露什菌雞扒扁意粉超驚喜之作！估唔到大大份粗身扁意粉，意粉煮得剛好有咬口。但就超重手嘅黑松露醬、芝士同埋什菌。黑松露醬滿滿包圍晒意粉，加埋滑雞件，真係好高質😋🌱幸福親子丼親子丼雞肉正常日式全家雞丼，雞肉都算滑，滑蛋拼熟蛋，而蛋是比較甜的，再配上薑蔥作調味，非常有日式味道，都幾好食🌱熱帶泰捲 又抵驚喜！ 新鮮熱辣辣烤餅，餅皮烤得非常香脆，入面有芝士、蔥，大量肉碎，肉碎帶點微辣，非常惹味🌱醬煮蓮藕期間買一送一優優，個醬甜甜地連埋蓮藕一齊炆煮，醬汁入晒蓮藕，唔錯～

食驗室F.A.T. LAB灣仔譚臣道8號威利商業大廈地下D號舖F.A.T. LAB是主打fusion 同多國菜架外賣店見到F.A.T. , FAT = 肥, 令人有點兒怕怕, 食得多會長肉變肥這千古不變定律, 是由古至今沒法解破。但我不入地獄誰入地獄, 變月巴F.A.T.這孽就由我來獨力承受吧!有韓式炸雞, 9款口味架飯, 劃一$48, 墨西哥卷餅,熱辣捲餅 有好多fusion 口味。西式BURGER, 睇到我眼花撩亂的MENU。盡量每個CATEGORY 都點上一份來食, 才是最高境界。$54混醬炸雞有齊3個口味架炸雞,包括 bbq, 甜辣醬, HONEY MUSTARD , 無骨肉雞肉, 一樣有食炸雞必配架醃甜白蘿蔔粒, 爽口去滯$48 泰式辣肉碎煎蛋飯, 辣肉碎有點五香味, 辣味 半熟太陽蛋絕, 大大碗幾好食。$68 手工BURGER , +$25 升級做餐, 有薯條/SALAD/薯寶 及汽水。CALIFORNIA 口味, 佢架牛漢堡都是用上澳洲和牛的, 夾了鮮蕃茄片, 生菜,芝士,洋蔥。

喺朋友屋企打牌，差唔多到晚飯時間，就喺外賣App搵吓有乜好食📲。其中有一間叫「食驗室F.A.T Lab」，除咗名字好過癮之外，佢仲提供多國美食，就算各人口味不同，都可以一齊嗌嘢食。小店係一間外賣店🥡，但裝修都算幾型格。如果到店買嘢食的話，就要自助落單。即使係咁，外籍店員其實都好友善，並會主動提供協助。呢度嘅食物種類繁多，包括墨西哥餡餅、烤捲、漢堡包、沙律、丼飯同韓式小食等，相信總有一款啱食😜。食物定價相宜，大部份菜式$50以內有交易，難怪咁多人幫襯。W3香港經典捲($45)，所謂嘅港式風味係指蕃茄焗豬扒🍅🐷，豬扒切成粒狀，均勻地滲透於整條烤捲之中，蕃茄味自然，帶少少甜，另外仲夾埋爽脆嘅生菜，以添口感。🌯捲物Wrap雖然唔算大碌，但勝在足料，而且薄餅皮鬆軟。Q1泰式風情辣肉碎餡餅($48)，佢係墨西哥餡餅Quesadilla🌮，製法正宗。食物即叫即整，送到手上都仲係熱辣辣，所以芝士拉絲效果強勁🧀，並且能稍為中和肉碎嘅辣味。我認為呢款Fusion口味好出色🇹🇭，其他餐廳可以參考一下，哈哈。D3雲上·豚($48)，佢係溫泉蛋豚肉生薑燒飯🍚，唔好睇佢碗仔細細，其實裝到好多飯。同時，豚肉都有好多

一間港式外賣鋪，餐廳好電子化，用自助落單機，用電子支付📱💸 食物都有好多款選擇，有漢堡、丼飯、捲餅、仲有灣仔分店限定嘅韓式炸雞🍗*香港經典捲🌯 $48 個皮係用咗壓餅方式整成， 唔算好脆不過幾軟熟，裡面用大量番茄醬包住條狀豬扒，所以食落都比較濕潤*紐約時代🍔 $78 有澳洲和牛漢堡扒、煙肉、車打芝士片、啡菇、番茄同洋蔥做餡料漢堡扒🥩都算厚身，不過肉汁同醬汁唔多*曼谷滋味 $68 一樣用咗甜包做包皮，冬陰公味可以再突出多啲

放工想買野食返屋企，就見到呢間好似新開既外賣店，食物選擇都幾多，有漢堡、丼飯、捲餅、韓式炸雞等，價錢唔貴，平均$50-$60左右雲上。牛｜$55其實係溫泉蛋牛肉丼飯，牛肉同洋蔥份量都唔少，牛肉味道偏甜，加埋蛋汁一齊食，有點中和味道，溫泉蛋超流心😍上面加了芝麻，添加少少香氣香港經典捲｜$48呢款係招牌番茄焗豬扒，入面有生菜、豬扒同大量芝士，食既時候隱約都有點拉絲🤣醬汁係幾濃番茄醬不一樣的腐皮捲｜$48食完濃味捲，試返蔬菜捲就淡味一點，有紅蘿蔔絲、木耳絲，不過唔知點解有點苦味🙈唔太岩我口味混醬炸雞｜$54分別提供三款醬，有bbq、甜辣醬同埋蜂蜜芥末，炸雞中間仲有醃蘿蔔，酸酸甜甜非常清爽😋炸雞冇骨一口size，方便食用

公司附近開咗依間外賣小食店，見門面唔錯，就約埋一班同事過嚟一齊試下做個「食驗」。餐廳設計好新穎簡潔，而且好有Cyber Feel。而且有自助落單機，非常方便。但係要注意，食店不收現金，只支持電子支付。餐單都有好多款選擇，每個飯或者菜式都有個特別吸睛嘅名稱，而且價錢非常相宜，有唔同嘅丼飯、Wrap 同埋burger 套餐揀，而且仲有好多韓國小食同埋其他小食揀。雪上·牛 （溫泉蛋牛肉飯）我就揀咗依個「雪上·牛 」丼飯。份量非常足，非常驚喜！牛肉煮得啱啱好，好入味，加埋溫泉蛋同埋香口嘅芝麻粒食，更有一番滋味😋深海火龍 （辛辣魷魚泡菜飯）另外同事叫咗依個「深海火龍」都非常吸引，份量都係非常滿，啱晒鍾意食辣嘅佢！魷魚煮得好彈牙，唔會韌。加埋甜辣嘅泡菜，真係越食越開胃！泰式風情辣肉碎芝士墨西哥餡餅另外有位同事就叫咗呢個特色墨西哥餡餅。外面餡餅煎得好香，而且唔會太厚或者太薄。餡料係泰式辣肉碎，越食越辣得過癮，而且餡料係非常多。混醬炸雞我哋三個仲嗌左一個韓國小食：混醬炸雞。呢個炸雞有三隻味，包括有甜辣醬、蜂蜜芥末醬同埋BBQ醬。炸雞炸得啱啱好，外脆但裏面嘅雞肉好嫩同埋鎖住晒肉汁。三隻醬都超好食，但我最

🚝【 食驗室 • F.A.T. Lab 】🚈⋄—————⧫♟⧫—————⋄型格「食」驗室外賣店🍴有齊丼飯、小食、捲餅、餡餅、漢堡…… 集合多國口味，方便快捷又高質👏🏻⋄┄ ┄ ┄ ┄ ❖ ┄ ┄ ┄ ┄ ⋄▪️亞太區丼丼丼▪️🐂雲上。牛🥚 - 溫泉蛋牛肉飯（ $48 ）丼飯份量非常充足，大大兜，牛肉仲鋪滿表面。日式和風口味，醬汁甜甜地，仲有流心嘅溫泉蛋，撈飯食好滋味。🌶熱辣辣太陽🍳 - 泰式辣肉碎煎蛋飯（ $48 ）呢個係泰式口味嘅辣肉碎煎蛋飯，非常香口惹味！肉碎撈飯食，真係食得晒成碗！▪️熱辣辣烤捲餅▪️🌮香港精神 - 叉燒🐷 （$45）港式口味嘅叉燒捲餅，入面爆曬汁，非常Juicy😍▪️首爾街頭小食▪️🥓香烤五花肉配生菜🥬（$54）韓式烤五花肉配生菜，豬肉濃郁入味，配生菜加韓式辣醬、辣椒同蒜頭，好正。一間外賣小店就可以試勻港式、泰式、日式、韓式美食，價錢仲要咁抵，性價比極高，非常推介！❤️‍🔥⋄┄ ┄ ┄ ┄ ❖ ┄ ┄ ┄ ┄ ⋄📍地址：灣仔譚臣道8號威利商業大廈地下D號舖⋄⋄#hkig #hkfoodie #hongkongfood #hkfood #hkfoodporn #hongkong

💡抵食韓式外賣新開既呢間外賣店幾有特色，除左主打韓式外，仲會有日式及台式，總會有一款岩你好味，價錢仲非常抵食。🍽溫泉蛋牛肉飯🐂啲牛嘅數量有好多，舖滿晒係飯上面，上面仲有大大粒溫泉蛋，蛋汁配上軟腍的牛肉片，加上洋蔥，好好味。而家飯有好多，一個人都食唔曬。🍽台式滷肉飯估唔到韓式店都有台灣野食到，滷肉肥瘦岩岩好，食完唔會覺得好油膩，飯粒粒分明，就算有醬汁撈埋一齊，都唔會好濕。🍽混醬炸雞 🍗炸雞有甜辣醬、蜂蜜芥末醬、BBQ醬，炸雞入口好香脆，啖啖肉好juicy，不同的醬汁都各有特式，份量又多，只係$54，真心抵食。🍽香烤五花肉配生菜🐷五花肉都幾多，唔會覺得肥，食個陣加埋小小辣醬及蒜片再用生菜包包住，感覺會Fresh d ps/下午茶仲有優惠送野飲 真係特別抵

近來疫情又嚴重起來，出外堂食風險增加。於是今天特意買了外賣回家，好好享受星期五這一個小週末。食驗室位於灣仔譚臣道，地鐵站修頓球場出口不用五分鐘便到，地點方便就腳。餐廳以外賣為主，門口也有自動點餐機，方便客人。我們總共三人叫了這樣食物一起分享。蘑菇煙肉墨西哥餡餅(⭐⭐⭐⭐⭐) 墨西哥餡餅烤得有一點脆口，配合煙肉，蘑菇和芝士等等不同配料，吃起來味道豐富。而且芝士有拉絲口感，一份四件，兩三朋友分享剛剛好。不一樣的腐皮卷(⭐⭐⭐⭐⭐) 十分創新的一道菜。平日吃到腐皮卷的材料透過不同烹調方法呈現出來，吃起來味道出奇的匹配，完全沒有違和感。是這天晚上最滿意的菜式。 親子雞肉飯(⭐⭐⭐⭐⭐) 雞肉吃起來嫩口，背上滑捋捋的雞蛋，送飯一流。特別一題餐廳加了不同薑蔥作調味，起來感覺特別。 溫泉蛋豚肉生薑燒飯(⭐⭐⭐⭐⭐) 這個豚肉燒飯分量多，落足料。豚肉吃起來食味可口，而且肥瘦適中，令人停不了口。總括而言，這間餐廳食物質素十分高，而且價錢不算太貴。下次經過也必定會再來。~~~~~~~~~~~~~~~~~~~~~~~~ 食驗室 F.A.T. LAB 灣仔譚臣道8號威利商業大廈地下D號舖推介菜式：不一樣的腐皮

想不到灣仔區的食物價格未必是想像高，都有一些很適合上班一族的飯堂外賣店。這間店有中式、日式和韓式的料理，我們三款都點了一個主食。位置：灣仔地鐵站B1出口，往和昌大押方向走，再轉入小巷就到，十分鐘內。環境：落地玻璃門，白色燈光招牌，營造實驗室調，室內只有一個小格來擺東西。服務：只提供外賣，沒有堂食服務。午/晚市：可加$20升級套餐，包括有沙律&罐裝汽水。🥢幸福親子雞肉飯$48（套餐$68）職員會問是否加薑蔥，當然要加☺️，賣相也會吸引得多。首先是份量大😯，底層是兩碗飯量，舖上滑溜的雞蛋🥚和雞肉🐤，拌飯吃一流🥰，味道不錯。而沙律🥗的蕃茄🍅大大粒，淋上胡麻醬，爽口新鮮！🥢深海火龍🦑 $48辛辣魷魚泡菜飯，辣度很夠，泡菜很正宗，有粒粒魷魚🦑，不過配料不多，似乎只是吃辣味。🍔四川辣妹子 $68有自家製漢堡排、生菜🥬、洋蔥🧅、番茄和辣醬，牛肉排大份夠肉汁，而且是粉嫩熟度，洋蔥🧅是生的，醬汁味道偏向墨西哥味多於四川，同樣辣得很過癮，是挺特別的。

丼田一要咗個生薑豚肉燒配溫泉蛋飯， 飯粒望落去圓圓地 ，有少少似珍珠米 ，但食落冇珍珠米嘅嗰種黏膩口感， 反而有啲削，冇珍珠米嘅嗰種甜味 。 單睇飯嚟講係唔合格嘅。 生薑豚肉肥瘦適中， 唔會話太油太鹹。 外賣自取要66蚊， 唔太值呢個價