再臨閣

营业中

休息中

忙碌完一段時間，與太太去輕鬆地享受一餐，今次揀一個唔多人認識既地方食自助餐.... 再臨閣去年尾裝修後我食過一次，食品高水準到難忘，食物款式唔多及特別，但每款質素係水準之上，牛扒肉質唔鞋，羊鞍嫩滑，凍龍蝦肉質唔膠有龍蝦味，即煎虎蝦新鮮爽彈，好過好多大堆頭但食完唔知食左乜既餐廳。我唔食生蠔，所以呢度冇生蠔對我冇影響，但佢有薑葱燒蠔就幾好味。放係牛扒前的洋蔥醬必試，係人手用心慢慢煮出黎，我未見其香港餐廳出過。藍莓蛋糕用新鮮藍莓非罐頭，心太軟即焗即食，睇得出佢地每款食品都從小處著眼。場地唔大人唔多，可悠閒地品嚐每一款食物，再欣賞埋維港激光表演，唔駛千辛萬苦後狠吞虎嚥，浪費自己一晚時間。