韓台站 (已結業)

呢間餐廳都開左年幾..今晚屋企無飯食..過黎一試..我地7點左右到左..唔算好多人..環境都幾舒服.. 朋友介紹話韓式石頭鍋飯好食..甘就叫左個雞肉石頭鍋飯..個鍋係平時出面果個size,,但料同飯都勁多..兩個人每人都食到成2碗..一個人真係食唔晒..佢仲配埋辣醬比你..都係$50一碗.. 台中擔仔面..有d肉躁.有菜有蝦..面都好彈牙.大大碗都係$30.. 另外叫左個滷水拼盤.3拼:豬肚.大腸同豆腐..味道都可以..係豬肚略嫌硬左少少… 套餐加錢配台式飲品..珍珠奶茶都唔錯..珍珠夠彈.. 總括黎講..係屋村平價抵食之選