宏 (已搬遷) 新店位置

今日終於到我帶返我朋友去食嘢喇，平時都係朋友帶我去食得多。今日就同佢去返最鍾意嗰間抹茶餐廳食晚餐啦。尖沙咀嘅宏，都有幾多人食架，夜晚黑好彩唔使排隊，但都全院滿咗。和風牛肉飯套餐$130一個套餐，有齊飯，麵，甜品，仲有飲品，真係好鬼掋！原來和風牛肉飯唔係普通嘅吉x家既牛肉飯，而係好似有啲咕嚕肉汁嘅牛肉飯。牛肉亦都唔係普通嘅肥牛，而係牛柳粒，而且油脂充足，估唔到仲有驚喜，而且個飯係炒底，唔係白飯，睇得出好有誠意架。海澡烏冬就梗係好食啦，滑浖浖，而且感覺上好健康又清新，好鍾意啊。黎得抹茶餐廳，當然要食返個抹茶小卷蛋，質感好鬆軟，而且賣相好可愛，小小一件好快食曬，不得了。