LAYER’S Cafe & Pancakes

营业中

休息中

想食午餐， 又想食甜品， 最好就有埋杯似樣嘅咖啡，係貪心咗啲，而且可能好貴！ 路過 Layers 門口， 見到午餐只係108蚊， 心諗冇可能有咁多嘢啩！？！煎鴨胸白酒汁意大利麵， 份量唔算好大， 但都有好大嚿鴨胸， 味道仲唔錯， 只係略嫌啲白酒汁 未收得好乾。跟餐杯咖啡， 可以喺餐牌任叫， cappuccino都可以叫， 淨係依杯嘢都值幾十蚊啦！ 可惜我覺得佢杯咖啡有少少 over extraction ， 苦澀味重咗啲啲， 而且個拉花有少少歪歪地。最精彩係跟餐嘅甜品， 係佢哋嘅招牌梳乎厘班戟， 雖然份量係正常嘅一半， 但依然非常鬆軟 ，蛋味濃郁， 呢個份量做餐後甜品剛剛好！今時今日， 呢個價錢， 滿足曬三個願望， 質素 有番咁上下， 都好難搵。