天米

营业中

休息中

主打食飯糰，仲要係即制手握飯糰，而米飯仲係用日本米。要咗個 Set D（$74），飯糰2個（$29或以下，以上要加$5）、湯品、甜品。飯糰要咗醬油漬魚籽（+$5）同醬油漬蛋黃雞肉碎。首先，兩個飯糰都好大個，足足有一個拳咁大，米飯溫暖。漬魚籽份量多，而且粒粒都脹卜卜，有光澤，咬穿咸鮮味十足。漬蛋黃蛋味濃，雞肉碎調味不錯。湯品係豚肉味噌湯，湯底味道正常但略嫌欠缺層次，豚肉片不錯，肉質唔係又乾又柴，有質感，另有大量薯仔粒及蘿蔔片。甜品係QQ餅，即係黃豆粉黑糖蕨餅，有六小件，口感清涼，甜甜哋，味道不錯。