天米

营业中

休息中

行了灣景廣場Aeon幾次，其位於地下的food court倒是頭一回光顧。今晚和好友食晚飯，選擇了主打飯糰的「天米」。飯糰除了散點，還可以跟套餐，配上湯品或甜品。和好友每人點一份set D，分別有2個飯糰、1碗湯和1客甜品，非常豐富。湯品配料很多，有豚肉、洋蔥、蘿蔔等一起熬煮。入口鮮甜順滑，有著味噌的鹹香味之餘，還有豚肉香。飯糰都是即點即做，由師傅逐個人手握成，呼應店名「天米」意思（手工藝術品）。和朋友不約而同都點了明太子款式，兩者大同小異。明太子份量十分多，邊吃邊溢出，微辛酸感為米飯增加滋味，後者還多了幾分芝士香。不過飯糰有些鬆散，進食時會有飯粒跌出，比較狼狽。另一款配上雞肉，肉質滑嫩，照燒醬的加持令味道更香口。飯糰很大的一個，相信有一碗飯份量。據悉米飯選用來自日本長野縣的越光米，越光米出名軟糯Q彈，入口充滿香甜米香。吃完一個已經飽肚！海帶有著淡淡的醬油香，鹹甜交織，口感帶嚼勁。混合了木魚，添加鮮香。米飯溫度暖和，但也可能是這個原因，紫菜很快就淋。甜品是QQ餅，黑糖味挺重的。玉子燒賣相很漂亮，有紫菜絲、明太子醬作點綴。玉子燒厚身，質感相對紮實，帶著濃郁蛋香甜味。不過略嫌未夠嫩滑。

12-7-2025(Sat)朝搵嘢食，老公上網search吓有咩好食，search到呢間又平又大舊嘅即場手握日本米飯糰，睇睇營業時間，開11:30am，咁去咗麥當勞食少少嘢後至嚟食。之後我哋嚟到搵，原來佢係food court中其中一間舖，我影咗menu後至慢慢揀，研究完後，我定決定要$74.00兩個飯糰加湯同甜品嘅套餐share食，飯糰就揀咗醬油漬芝士明太子同醬油漬魚籽，老公買完返嚟，話收$84.00，我再細心睇menu，套餐包$29.00或以下嘅飯糰，過$29.00嘅每件要加$5.00，呢吓我係睇漏眼。買完等咗5分鐘至有，睇見飯糰大大個，由於飯糰幾難share食，所以我食醬油漬芝士明太子飯糰，一食，都算幾辣，我唔食喇，同老公交換，不過我印象中覺得佢冇乜醬油漬味。而醬油漬魚籽飯糰呢？都係冇乜醬油漬味，不過餡料係充足。而湯呢？呢日係豚肉味噌湯，睇見有薯仔同紅蘿蔔，呢個味道較清，味噌味唔算好飲得出，而薯仔都幾多。甜品係蕨餅，一客有6件，老公食完到我食，一食，重係凍同偏硬實，咁我放低等佢解啲凍至食，解咗幾分鐘再食，係煙韌少少但仍凍，而佢係黑糖味，味道淡淡地。所有味道都係2.8分。其他：呢間

話過呢間係我嘅操gym 飯堂飯，係真係飯團個飯之前都介紹過第一，超越我對飯團嘅理解個個大過我拳頭第二，我好鍾意新鮮手握飯糰嘅口感舖頭買到嘅再鮮製都係冷藏，口感紥實啲但手握就唔同嘞～～暖暖哋咬落會比較鬆散飯寫明用長野嘅越光米粘度幾高咬落煙煙韌韌好軟糯！我習慣gym後嚟配料唔係包餡而係置頂一睇賣相我就經已飢腸轆轆口味方面so far 食過醬油雞肉碎、醬油漬魚籽、香葱醬油牛肉同蒲燒鰻魚排名好難分先後因為醉翁之意不在「餡」我覺得個飯好食，咩配料都咁正🥴十幾款味有試私心覺得小店可以加多傳統日本飯團嘅口味例如三文治魚、梅乾或昆布等或者係試吓做烤飯團外皮酥脆吧口感相信別有一番風味～～～另外一提佢嘅王子燒同薯仔沙律都有料堅奶味？特別係個玉子燒有層次有蛋香！

荃灣即叫即整大手握飯團🍙最平$23起！最近睇一個日本女生整早餐飯團，睇到流曬口水終於忍唔住去食即整飯團店可以即場睇住師傅握飯團XD日本米真係好好食！晶瑩通透，黏度高，整上手仲熱辣辣不過攞到位食，紫菜已經吾脆TT食到尾會有啲散，不過店家有提供濕紙巾，貼心加分！第一啖餡料咬落去超滿足！始終係飯團，肉吾算超多，但飯香＋餡料已經幾滿足🤍想食肉可以skip，想補carbs可去！★ 醬油漬蛋黃雞肉碎 $29 (4/5)推介♥️蛋黃醬油漬過，濃郁入口即化，配雞肉碎，鹹香微甜！★ 明太子沙律 $29 (3/5)明太子味道算突出，沙律醬滑溜，但整體味道口感單一吾算特別～推介指數: 💧💧💧/5健康指數: 💧💧💧/5📍天米 (荃灣)荃灣大河道88號灣景廣場地下11號舖Follow @foodrooling_hk ₍˄•༝•˄₎◞✩︎

第一次難食到要寫食評警世😥1. 等咗超過30分鐘我3:57pm落單，4:32pm先拎到等咗15分鐘左右問男店員大約幾時有佢答我 你部機響咪到你囉 （…😓)我只係叫set B，2個飯團+1個湯佢仲要係慢條斯理咁整 我前面應該有3張單每整完1個 唔知佢點解要出後樓梯，可能🚬???如果慢工出細貨，好食嘅，要等完全冇問題畢竟openrice呢到有咁多好評，又多網媒出片但一食 不得了….2. 劣食、冇味、一拎就散佢啲飯係熱，亦唔係醋飯以佢整嘅速度，佢啲紫菜未食落口已經林咗飯團食一啖就散晒、跌餡個感覺唔係多到滿瀉，係飯團壓唔實同拎住碗飯係手食係冇分別👏🏻完全handle唔到，啲飯林到煮過龍嘅感覺而啲餡料係普通到，冇嘢形容到🙂總結，係名過於實… 完全唔值得試食華御結仲開心

次次行Aeon經過見到d飯團大大隻，都覺得好吸引，而且佢有好多款口味可以選擇。今次試左款醬油漬蛋黃飯團，落單後等左10分鐘左右。醬油漬蛋黃飯團—💰$29一攞到手，真係好大一個，女仔食一個一定夠飽🤣同埋係暖笠笠嘅❤️❤️米飯用左日本米，軟熟得嚟有啲嚼口，米香十足。一個飯團有2隻醬油漬蛋黃，色澤好靚，見到已經好有食慾。一咬落去個蛋黃就會流心，配飯真係一流！蛋黃食得得岀係高檔蛋，帶有濃郁蛋香，而且醬油漬非常入味。唯一可惜嘅係真係太多飯，得2粒蛋黃其實唔太夠蛋汁，食到尾會岀現食白飯嘅情況😢😢推薦指數⭐️:3.8/5

飯團用日本米🍚，成個手掌咁大，價錢只係$23-$35就有，女仔一個係絕對食得飽，店員落料好足，明太子醬直頭唔停，鍾意佢食到中間都仲有餡料，唔會得白飯咁dry🤪食飯團仲有毛巾仔，唔使驚整污糟手！不過食落覺得飯團壓得比較鬆散，紫菜好快會腍！

考完試後，當然要帶2位寶貝食正野😋所以帶他們去了「天米」食飯團🥰在選擇飯團的時候，員工好細心咁說明，「蛋黃是新鮮的，要考慮一下小朋友能不能接受」感覺好窩心☺️最後選擇了一個Set D（$74），內含2個「香蔥醬燒牛肉」及一湯一甜品另再單叫一個「醬油漬蛋黃雞肉」（$29）拿餐時，看了這飯團真不簡單哦分量十足，有成個拳頭咁大呀😍而且裡面的用料更是十分足夠！突然感得$29一個咁足料的飯團，好抵食呀👍不單止飯團，連湯內的材料都好豐富2位寶貝都搶著喝😂

醬油漬魚子飯團🍙讚👍魚子鹹鮮爆漿，帶醬油香氣，唔會腥；正宗日本米飯微甜軟糯，中間還藏有魚子，口感豐富；海苔**串脆脆的，放久會變軟。整體味道濃郁但不會太鹹，適合喜歡海味的人。 缺點是份量，一人剛好，值得一試！

其實可以寫埋個用膳時間出黎？OpenRice 同google都冇寫特登黎到結果摸門釘。。。。就真心嘥心機捱眼瞓明明都做晒research都咁！失望到一個點，跟營業時間都唔岩

荃灣新開即叫即製手握日式飯團 最鍾意明太子沙律味 明太子醬多到爆出嚟😍無論飯團表面 定係飯團入面都加爆咗明太子‼️全部飯團都係師傅即叫即制 可以望到師傅握飯團‼️都係使用日本米 出品保持住暖笠笠而且都算大件 食一件已經有飽肚感覺亦都可以叫套餐會平啲 可以加埋湯同埋蕨餅好似去咗日本旅行咁 開心過連鎖店好多🥰.價錢參考⭐️明太子沙律$29⭐️醬油漬蛋黃雞肉碎$29⭐️醬油漬魚籽$35.#hkfunfoodrecord窮遊香港#hkfunfoodrecord_荃灣.#天米 (荃灣) @temaihk 地址：荃灣大河道88號灣景廣場地下11號舖.#hkfoodie #foodiehk #hkfoodblogger #hkblogger #hkfoodies #hongkongfood #食評 #大角咀美食 #大角咀必食 #大角咀 #荃灣美食 #荃灣必食 #荃灣 #荃灣西美食 #荃灣西必食 #飯團 #手握飯團 #日式餐廳

話說自從上次食過飯團已經好掛住～難得經開AEON，本身上咗上層都特登落返去地下買單點咗一個醬油漬飯團俾錢嘅時候本身打算比支付寶點知個四眼哥哥師傅勁倔咁講只有八達通如果喺香港地只得八達通收費方便極有限好快就攞得外賣上次食嘅時候係跟嘅濕紙巾今次要問先有然後四眼哥哥又再話正常外賣就唔會俾堂食先會跟下？唔係外賣食仲更加會狼狽咩？即係堂食既grande 高D？外賣係低一等？今時今日咁嘅服務態度點得㗎？雖然只係$29 一個飯團係咪代表就要受氣呢？更何況假假地你一個飯團師傅都係代表間公司雖則又未去到貼錢買難受😅但想再幫襯嘅衝動就欠缺了不過你都俾咗啲動力我嘅就係引發我可以為你出一個食評！

荃灣西Aeon新開小店，主打手工製造日本飯糰，採用長野縣產越光米，即叫即握，多達12款口味，豬牛雞等，可單點亦有套餐。飯糰份量大過拳頭，超級足料，配菜都唔孤寒，食完一個都幾飽肚，最緊要快靚正，性價比高。私心推介明太子沙律，鹹鹹香香，微微辣，味道濃郁，咬落爆漿，飯索滿醬汁，影響深刻！蛋黃愛好者必點醬油漬蛋雞肉碎，夾埋雞肉碎令到整體口感層次更加豐富。照燒雞肉、香蔥醬油牛肉同味噌豚肉餡料都足，甜甜哋容易入口。

主打食飯糰，仲要係即制手握飯糰，而米飯仲係用日本米。要咗個 Set D（$74），飯糰2個（$29或以下，以上要加$5）、湯品、甜品。飯糰要咗醬油漬魚籽（+$5）同醬油漬蛋黃雞肉碎。首先，兩個飯糰都好大個，足足有一個拳咁大，米飯溫暖。漬魚籽份量多，而且粒粒都脹卜卜，有光澤，咬穿咸鮮味十足。漬蛋黃蛋味濃，雞肉碎調味不錯。湯品係豚肉味噌湯，湯底味道正常但略嫌欠缺層次，豚肉片不錯，肉質唔係又乾又柴，有質感，另有大量薯仔粒及蘿蔔片。甜品係QQ餅，即係黃豆粉黑糖蕨餅，有六小件，口感清涼，甜甜哋，味道不錯。

呢間餐廳主打12款手工日式飯團，使用長野縣產越光米同新鮮餡料製作🍙另有套餐跟配湯同甜點🎌💗Set B. 飯糰2個+湯品($68)飯糰全部新辣辣即製，飯糰相對握得到較鬆，飯粒飽滿較濕潤🍙今次試咗4個口味：明太子沙律鹹香惹味🐟；醬油漬魚籽充滿魚油香而且鮮甜❤️；香蔥醬油牛肉味道就同和風牛肉差唔多🐮；醬油漬蛋黃雞肉碎幾有驚喜，尤其醬油漬蛋黃口感有半熟嘅效果🥚不過整體嚟講餡料比較少🙁食飯糰食到乾嘅時候，飲一啖野菌蔬菜赤坂湯，入面有鴻禧菇、大蔥同魚板🍲💗明太子玉子燒 ($15)玉子燒係即叫即做，口感鬆軟嫩滑，有甜甜嘅蛋香，再加上明太子沙律醬同紫菜更惹味🍳