影片
更多
2025-04-08
725 浏览
新店開張後經常大排長龍，唔急住食，等熱潮稍為冷卻後，平日晚上17:40到，可以排第一。新店流程有別過往，安排座位，畫紙仔，即時俾錢，等食。慢煮叉燒拉麵（$55）加鴨胸（+$10）本來諗住加多隻蛋，但晚市不能，可惜。呢期湯底係元貝湯，所以三選一無意思。因為用餐當天只有老闆一人，所以先處理好所有人客嘅點餐及收費，先開始煮麵。由入坐開始計，大約15分鐘後，拉麵上枱。先試一啖湯底，味道同舊店分別不大，醬油湯加少少元貝鮮味，味道不錯（飲咗接近成碗，之後都無勁口渴情形），但今次就好似油咗少少（都可以接受）；叉燒有四片，肉質軟嫩，味道不錯（但好似比舊店時細塊咗同無咁厚）；鴨胸有三片，肉質同樣軟嫩，味道亦不錯；溏心蛋有半隻，蛋白軟滑，蛋黃少許流心；荀大約有五條，雖然仍算爽口，但今次煮得腍咗少少；最後拉麵，仍然是偏幼身嘅白直麵條，煮嘅時間控制很好，麵條唔會太腍，有咬口，沒有鹼水味。結論：食物質素保持水準，店內空間大咗，坐得舒服啲，亦都感覺衛生啲。但因為轉咗入大舖，加價就預咗，由$45變成$55，還是可以接受的，但就應該會比之前幫襯嘅次數減少。食完見到門口人龍都仲有十數人，雖然熱潮叫做稍為冷卻，但人流睇嚟
新店流程有別過往，安排座位，畫紙仔，即時俾錢，等食。
慢煮叉燒拉麵（$55）加鴨胸（+$10）
本來諗住加多隻蛋，但晚市不能，可惜。
呢期湯底係元貝湯，所以三選一無意思。
因為用餐當天只有老闆一人，所以先處理好所有人客嘅點餐及收費，先開始煮麵。
由入坐開始計，大約15分鐘後，拉麵上枱。
先試一啖湯底，味道同舊店分別不大，醬油湯加少少元貝鮮味，味道不錯（飲咗接近成碗，之後都無勁口渴情形），但今次就好似油咗少少（都可以接受）；叉燒有四片，肉質軟嫩，味道不錯（但好似比舊店時細塊咗同無咁厚）；鴨胸有三片，肉質同樣軟嫩，味道亦不錯；溏心蛋有半隻，蛋白軟滑，蛋黃少許流心；荀大約有五條，雖然仍算爽口，但今次煮得腍咗少少；最後拉麵，仍然是偏幼身嘅白直麵條，煮嘅時間控制很好，麵條唔會太腍，有咬口，沒有鹼水味。
結論：食物質素保持水準，店內空間大咗，坐得舒服啲，亦都感覺衛生啲。但因為轉咗入大舖，加價就預咗，由$45變成$55，還是可以接受的，但就應該會比之前幫襯嘅次數減少。
食完見到門口人龍都仲有十數人，雖然熱潮叫做稍為冷卻，但人流睇嚟仍會持續一段時間，遲多一排人少啲再嚟幫襯。
慢煮叉燒拉麵加鴨胸
$65
644 浏览
0 赞好
0 留言
张贴
