一風堂 (Lab Concept 金鐘廊)

营业中

休息中

好多次經過金鐘一風堂都超級多人排隊，今日十一點幾見冇咩人就入左去試。餐牌都好多選擇，但對於有選擇障礙嘅我都係整個冬季限定好過啦。味噌赤丸。有豚肉丶蛋、碎肉丶蔥粒等等。先講䐁肉，厚切入味，肥瘦適中但略嫌唔夠熱。至於蛋就正正常常啦。湯底唔錯，豬骨秘製味噌配埋蔥粒同埋肉碎，雖然有少少肥膩但不知不覺下幾乎飲哂。對比之下我反而最喜歡就係拉麵嘅質感。煙煙韌韌又爽身，唔會太腍，比起之前去其他地方食拉麵感覺唔同。