船渦

营业中

休息中

今日去到銅鑼灣呢間食蒸氣火鍋，見到佢有一人餐非常適合我哋，我哋就叫咗八府巡按套餐，份量非常豐富。蟹籽沙律爽口嘅青瓜配上粒粒口感豐富蟹籽，酸甜開胃。餃子皮薄餡料豐富芝麻雞翼炸到香脆可口，食落非常多汁。海鮮有白蜆，蝦，北奇貝，鮑魚，元具，扁蟶子，鮮魚片，龍蝦，可以揀蟹或者蟶子王，我就選擇咗蟹，海鮮10分新鮮，白蜆充滿海水味道，鮑魚爽口彈牙，鮮魚片肉質幼嫩，龍蝦和蟹肉質非常鮮甜。肉類安格斯牛肉，牛肉味道濃郁，豚肉片滑嫩多汁。牛骨濃汁牛丸、薑汁皮蛋貢丸、招牌墨魚丸，每款丸都非常彈牙多汁。