影片
更多
2025-06-09
163 浏览
約咗朋友，佢話一陣到，然後一陣之後又一陣，最後話嚟唔到，坐喺餐廳入邊嘅心情會係點？ 我嘅心情繫為佢感到可惜，而我就悠然自得。事關呢度188蚊清酒任飲，仲非常好質素，我慢慢叫啲送酒嘢食，一個人都可以盡興。 之前聽人講呢度系日本人飯堂，現場又見到有好多日本人，呢度果然唔係浪得虛名。 🍖揀完隻靚杯，再慢慢揀清酒飲，牌子有好多選擇，我就揀咗比較柔和嘅八海山同埋相對辛口既百樂星，其實揀邊種就各有所好，餐廳提供嘅款式之多，總有一款會啱你。你大可以試飲一小杯，揀啱咗先知只要一壺，慢慢自斟自飲。 🍖飲清酒就梗係要配魚生，所以就叫咗刺身拼盤，如果朋友嚟我只係可以每樣食一件，宜家變咗可以食兩round，慢慢食真啲味，同配搭清酒味道。我鍾意由赤身開始食起，脂肪部分唔多，鮮紅結實，充滿魚味，有食肉嘅口感，跟住就喺油香充足嘅三文魚同鰤魚，仲有柔軟嘅帶子同埋海膽，同鮮甜嘅甜蝦。全部都係清酒嘅好朋友。第一round食佢嘅原味，第二round配合清酒，互相輝映。 🍖跟住我梗係叫下佐酒小食，芝麻雞翼同埋流心芝士饅頭，兩者都係炸物，但係唔會過於油膩，而搶走咗清酒嘅味道。仲有芥末八爪魚，鹹鹹地滑溜溜嘅口感，就直頭昇華咗清酒
我嘅心情繫為佢感到可惜，而我就悠然自得。事關呢度188蚊清酒任飲，仲非常好質素，我慢慢叫啲送酒嘢食，一個人都可以盡興。
之前聽人講呢度系日本人飯堂，現場又見到有好多日本人，呢度果然唔係浪得虛名。
🍖揀完隻靚杯，再慢慢揀清酒飲，牌子有好多選擇，我就揀咗比較柔和嘅八海山同埋相對辛口既百樂星，其實揀邊種就各有所好，餐廳提供嘅款式之多，總有一款會啱你。你大可以試飲一小杯，揀啱咗先知只要一壺，慢慢自斟自飲。
🍖飲清酒就梗係要配魚生，所以就叫咗刺身拼盤，如果朋友嚟我只係可以每樣食一件，宜家變咗可以食兩round，慢慢食真啲味，同配搭清酒味道。我鍾意由赤身開始食起，脂肪部分唔多，鮮紅結實，充滿魚味，有食肉嘅口感，跟住就喺油香充足嘅三文魚同鰤魚，仲有柔軟嘅帶子同埋海膽，同鮮甜嘅甜蝦。全部都係清酒嘅好朋友。第一round食佢嘅原味，第二round配合清酒，互相輝映。
🍖跟住我梗係叫下佐酒小食，芝麻雞翼同埋流心芝士饅頭，兩者都係炸物，但係唔會過於油膩，而搶走咗清酒嘅味道。仲有芥末八爪魚，鹹鹹地滑溜溜嘅口感，就直頭昇華咗清酒本身。
🍖最後食咗個明太子炒意粉，明太子同紫菜均勻咁佈滿喺意粉之上。意粉特登做到相對硬身，成個味道又係好啱送酒。
雖然好享受今餐自己慢慢品嚐，就係下次都會叫翻朋友，因為佢仲有好多款式揀，如果兩個一齊就可以試吓呢間已經開業咗23年嘅餐廳嘅更多美食。
张贴
