厚福館 (黃埔天地) (已結業)

天氣又轉冷，隨即諗起打邊爐，朋友話想去黃埔大型玩具店，因做緊折扣，見到對面有間新火鍋店，即時雙眼發光，所以即時選定行完即去品嚐先。店內裝修以藍白色為主，帶點海洋又帶點地中海感覺，而且帶點時尚風格，一人一鍋，我選了佛跳牆湯底，價錢竟然係$78，我要問下店員，有冇睇錯，正確之餘，原來仲要包埋配料有螺片同一隻鮑魚，真係一次過滿足曬啲願望，配料還有金華火腿片，養顏花膠，嫩滑鮮雞件，冬菇，金翅。還叫了個讚岐烏冬，好彈牙。而且湯底好鮮甜，足料濃郁，充滿骨膠元，花膠都有三件。前菜叫了醬油蛋$8隻，最愛反而係旁邊的甜酸薑，超甜唔辣，夾埋在醬油蛋的流心蛋黃，好夾呀！餸埋跟餐的荔枝伯爵紅茶，好生津止渴。火鍋唔少得叫牛肉，呢度有別於一般的肥牛，有三款獨特的牛部位，而且每一小籠幾片咁比人落單，對我呢種咩都想試既人啱曬，真係一大喜訊。叫了人氣牛頸脊$15 ，淺嘗多滋味，牛肉肉質夠稔，另一係封門牛柳$15 有4片，呢款好重牛味，我喜歡呢個部位多啲。再叫埋沙爹牛肉餃$12，包得好實正，好大隻。還追加了海蜆，牛柏葉，黃牛喉同萵筍，每樣一小籠，好精緻，比一個人食，其實份量啱啱好。