爆爆鍋 (已結業)

天氣時凍時暖，而家又凍返，今晚食火鍋取暖，今日行銅鑼灣咁啱可以試新嘢。睇完menu, 先選主餐、再揀湯底。我同老公主餐分別選左安格斯牛小排set同澳洲M5和牛肩胛肉眼set，鍋底選了夜市養生排骨鍋同爆炒櫻花蝦鮮鍋加新竹米線。自助bar 有唔同類既蔬菜任食又新鮮，沿途見到人地個有d小食，返到位我地都加點了鹽酥雞及夜市炸魷魚，新鮮炸起，熱辣辣。先講安格斯牛小排set，盤牛肉既份量好多，好新鮮，油花分佈幾靚，淥幾淥，入口好嫩滑，好軟。輪到SRF極黑牛前肩肉 set，同樣份量多，冇咩脂肪，肉色鮮紅，薄切食落肉質有咬口，重牛味。每個set都有一份火鍋配料，有響鈴、蟹柳、冬菇、豆腐、兩粒丸類同埋一隻蜆，質素唔錯，隻蜆仲好新鮮，識得郁，味道鮮甜。飲品方面，我哋每人加了$14 選了真心橙意翡翠同埋虎紋黑糖鮮奶。真心橙意翡翠味道清新，橙味滿滿。虎紋黑糖鮮奶奶味香濃香滑，唔錯。食得非常飽，最後仲有一人一支雪糕批做甜品，十分滿足既晚餐。