影片
更多
2021-01-25
479 浏览
沒有晚市時間已經接近兩個月，呢種反常嘅生活模式，其實真係唔可以習慣，沒有見朋友，沒有聚會的日子，人生真的很難，生活幾勞累都要抖一唞氣，要食好一點對自己好一點。$680既午市廚師發板，價錢算吸引，反正今日喺銅鑼灣，見佢新開張冇耐，就試一試佢啦，喺疫情期間開店，我諗冇一定實力都有一定嘅勇氣。雖然今日天氣唔算凍，一坐低就有玩暖粒粒嘅茶碗蒸奉桌作頭盤，雞蛋用上鮮甜嘅高湯，仲有大大啖嘅蟹肉，好開心滿足。鞍康魚乾，加咗新鮮昆布同埋有柚子汁，識落完全冇腥味，再加上一份清甜嘅新鮮感覺。昆布漬左口魚，係準備咗一整晚嘅漬物，上面配左啲柚子啫喱，再加上紫蘇花，味道好元化，識落好精緻，完全唔似食緊魚。再嚟係熟成咗八日嘅油甘魚，魚味好濃郁，同平時就咁食嘅油甘魚刺身太大分別了， 師傅話如果可以熟成多幾日，味道會更加好。由日本岩手縣空運到港嘅珍寶蠔，嘩見到呢個就好想去日本呀，師傅加咗柚子醋同埋紫蘇花，食落好爽滑，係真係可以一啖sir入口，酸酸甜甜嘅醋配上蠔既鮮味，冇得輸。銀雪魚西京燒，呢個午市嘅廚師發板，真係有好多嘢食，魚燒得好好，冇任何嘅雪藏味或者腥味，魚質又好滑。中段有沙津，蓮藕片炸得好簿脆，食落仲甜既。跟住就
沒有晚市時間已經接近兩個月，呢種反常嘅生活模式，其實真係唔可以習慣，沒有見朋友，沒有聚會的日子，人生真的很難，生活幾勞累都要抖一唞氣，要食好一點對自己好一點。$680既午市廚師發板，價錢算吸引，反正今日喺銅鑼灣，見佢新開張冇耐，就試一試佢啦，喺疫情期間開店，我諗冇一定實力都有一定嘅勇氣。
雖然今日天氣唔算凍，一坐低就有玩暖粒粒嘅茶碗蒸奉桌作頭盤，雞蛋用上鮮甜嘅高湯，仲有大大啖嘅蟹肉，好開心滿足。
鞍康魚乾，加咗新鮮昆布同埋有柚子汁，識落完全冇腥味，再加上一份清甜嘅新鮮感覺。
昆布漬左口魚，係準備咗一整晚嘅漬物，上面配左啲柚子啫喱，再加上紫蘇花，味道好元化，識落好精緻，完全唔似食緊魚。
再嚟係熟成咗八日嘅油甘魚，魚味好濃郁，同平時就咁食嘅油甘魚刺身太大分別了， 師傅話如果可以熟成多幾日，味道會更加好。
由日本岩手縣空運到港嘅珍寶蠔，嘩見到呢個就好想去日本呀，師傅加咗柚子醋同埋紫蘇花，食落好爽滑，係真係可以一啖sir入口，酸酸甜甜嘅醋配上蠔既鮮味，冇得輸。
銀雪魚西京燒，呢個午市嘅廚師發板，真係有好多嘢食，魚燒得好好，冇任何嘅雪藏味或者腥味，魚質又好滑。
中段有沙津，蓮藕片炸得好簿脆，食落仲甜既。
跟住就係一連串既魚生壽司，最鐘意既都係夾住係筷子既竹炭新鮮帶子，師傅加上左青檸汁同埋Wasabi，食落有口感之餘，仲因為係超新鮮嘅關係，肉質超爽滑彈牙；仲有珍寶大蝦壽司，新鮮嘅大蝦除咗彈牙之外，面頭仲有放上咗佢嘅蝦膏，蝦味道好濃， 食完成個口都係蝦嘅細胞；最後就係藍鰭吞拿魚，淨係放入口已經覺得魚肉開始溶化，所有嘢好味到，一滴豉油都冇掂過。
跟住師傅拎咗一大盒海膽出嚟，整咗呢個馬糞海膽壽司，佢鋪咗三四層海膽，好似個海膽塔咁樣，我一口將呢個塔擺入口，濃味到我唔捨得吞。
食完晒就有麵豉湯，佢係用想新鮮嘅紫菜同埋日本嘅豆腐，所有嘢都好清好滑嫩。
最後有咖啡同埋甜品，呢個樹頭杯入邊裝滿左咖啡，我第一次見有咁大杯，仲要幾好飲，唔記得問佢哋係用邊隻咖啡豆，甜品係芝士蛋糕味雪糕配上日本夾餅，仲有黃豆嶡餅。好鍾意雪糕嘅味道，芝士味好香不過又唔係食完會好甜滯嘅嗰種。
平日既午市餐廳人唔多，疫情期間覺得特別舒服，食完呢餐仲有好滿足，又可以繼續沉悶嘅工作。
张贴
