壽司喰 (已搬遷) 新店位置

成個周未都下大雨，個天都唔鐘意我！鬱鬱寡歡星期一，放lunch一定要對自己好0的食餐好0既！好。想。食。壽。司！終於一人前走左入M88的Sushi SUU, 樓下部𨋢好細，好彩只係一樓，一入到大堂，地方都寬敞，氣氛相當熱鬧，環境幾chill，中環區蘭桂芳區應有的態度。無訂座0既情況下，一人前可以坐bar table, 1:00lunch hr都唔洗等，即刻有得坐！入到個場其實都8-9成滿，ok lucky!打開lunch set menu, $190-440, 由於一早已經想食壽司🍣，無懸念之下發現原來壽司set有分$250regular/$390deluxe!! 問下有咩分別，原來大家都係8件，不過貴野有toro同海膽🤤，平時食件海膽都要百幾啦，一於豪一豪佢，選左deluxe!$390共8件，有海膽、toro、三文魚子、牡丹蝦，象拔蚌、藍鯨吞拿魚、三文魚腩，加州卷，跟餐仲有麵豉湯、蛋卷X2、細烏冬。分量係夠飽、食材夠新鮮、一人前大滿足！下次再有壽司癮發作，都會再嚟，貪佢地點近，坐得舒服，食得開心！bar table 仲可以見到一大班師傅好快手咁即時做食物出嚟添！