Espuma (M88)

营业中

休息中

傳統嘅西班牙海鮮飯通常都係一大盤幾人份量，餐廳好貼心咁提供一人份量，就算淨係得自己一個人都可以食到西班牙炒飯，份量啱啱好。上菜嘅時候店員有提醒返要小心鍋邊辣手，幾貼心。雖然係一人份量，但係炒飯嘅配料款式都好豐富，有齊西班牙香腸、青口、蜆、魷魚、燈籠椒等等，飯粒有口感唔會太糊，味道適中。$150左右包埋湯或沙律，同埋飲品（特色飲品另外加錢），唔算話特別平，但係店內環境舒適，枱同枱之間有一定距離，因為餐廳喺17樓，坐窗邊的話景觀都幾開揚，適合同埋三五知己一齊嚟。