HIKARI

星期一放工特別鬱悶，唔想返屋企煮，於是揾間好靚既文青cafe坐下，食下野，消除下工作壓力。外觀非常靚，木系加落地玻璃，非常文青+comfortable 早左收工，六點半去到可以簡位坐，簡左樓上既角落位，有好靚既透光圓枱，再加好有型既紙皮櫈，枱上放上乾花，非常打卡able。野食方面，有啲意粉、小食同手工飲品。一於試下墨汁意粉+蟹餅+黑芝麻鮮奶。上碟既時間都忍唔住擺好啲野食，影左張相。墨汁用黑碟裝份外型格，意粉口感al dente ，入面都仲有啲菇同盧荀等等，同意粉口感好夾。蟹餅我本身以為係上粉漿炸果d，原來係剪蟹餅。內裡會食到一絲絲蟹肉。最後就係杯飲品，亦係我最鍾意既，非常打卡able既拉花。飲落唔會過甜，比較重奶味。價錢方面，一個人食都算affordable，店員都allow我自己一個坐一陣，唔會話食完就趕人走，自己一個人去都適合！最岩去chill下！