牛の鍋日本料理

营业中

休息中

疫情關係揀一人一鍋嘅火鍋比較衛生啲，分別揀咗蕃茄薯仔湯底同埋芫荽皮蛋湯底清清地，蔬菜麵類飲品等要帶返口罩出去攞，其他都係寫紙仔order，呢度勝在咩都有，太多張紙仔睇到眼都花!! 任食牛有兩款，美國牛肉同美國極上牛肉，睇相就知只嗌極上牛肉就可以，慳返個quota，嗌咗細碟試一試，之後再嗌咗一個大碟嘅極上牛肉，食牛都食飽晒!! 火鍋料都有啲海鮮可以嗌下，另外刺身壽司同天婦羅質素都唔錯，甜品就鍾意食扭紋抹茶新地，今次戰鬥力麻麻，每樣野都係試咗少少!! 最最驚喜竟然有任飲生啤，晚市先至有，啤酒有果香，見到斟啤酒個位不停都有人，非常受歡迎!! 總括嚟講呢度價錢實惠，款式多，細食嘅朋友可以揀不要日本料理，價錢更加平!!