牛牛日式火鍋放題 (北角匯二期) (已結業)

是日來到北角匯睇下花花，順便食埋野，決定到牛牛打邊爐。這裏套餐選擇幾多，有60分鐘，90分鐘，定量，甚至不要肉，只食自助bar都得，最後點左90分鐘的美國頂級牛肉放題套餐，打邊爐都係時間長啲舒服嘛。飲品有不少罐裝揀，汽水，啤酒，茶都有，唔想飲凍嘅話有熱水同茶包供應。醬料選擇也是十分多，豉油，酸汁，麻醬，芫荽，蔥，蒜，辣油，麻油，青檸等等，太多數唔完。火鍋方式是一人一鍋，朋友點日式麻辣鍋，雖然好紅，但其實不太辣，但很有麻香，不錯呀。自己點了大地鰹魚鍋，是日想清淡一點，揀左呢款。肉方面有美國頂級牛肉，還不錯呀，很嫩滑。仲有丹麥皇冠豚肉，也好味，有咬口，淥耐左都唔會鞋。最驚喜係有紐西蘭綠之草原羊肩肉，一般日式火鍋都無羊肉揀，呢度居然有，正呀有羊肉香～Encore次數同牛肉一樣多，哈哈。自助區有各式蔬菜同丸類，芥末魚丸好好味。仲有呢啲，但美中不足今日無粟米，嗚嗚…牛豬羊都好味，淥一淥食得。Encore的肉keep到水準，上肉速度也快，食放題就係要不停手先過引。甜品有自助雪糕，食左先發覺無影想，哈哈。食飽飽又睇下餐廳外面，遠處望到海喎～好味好味，打邊爐最鍾意就係可以瘋狂食肉，哈哈哈哈。