影片
更多
2025-07-04
0 浏览
早排見到朋友打卡呢間蒸海鮮火鍋～主打一人一鍋蒸食，無火無油煙，就同朋友一齊黎試！佢環境係用竹簾遮住，一個人食又得，幾個人食又得我哋今次叫咗兩個套餐：🍽️ 【八府巡按】$488套餐好豐富，我哋揀咗：🦞 半隻龍蝦＋帶子＋蟶子皇：•龍蝦夠大隻，肉質爽口彈牙～蒸完無雪味，鮮味十足；•帶子厚身飽滿，仲有少少海水味，夠晒鮮甜；•蟶子皇係我心水！大隻開殼，肉滑又冇沙，食落唔腥。🥩 肉類揀咗安格斯牛＋雞腿肉：•牛肉切得啱啱好，唔會過薄，蒸完仲keep到油脂香；•雞腿肉嫩滑唔嚡口，唔會蒸完變鞋。🍚 主食：魚湯米粉•魚湯底超香，入口滑順又夠濃，飲落有魚鮮味唔腥～米粉吸晒湯精華，真係一流！🍽️ 【內務總管】$328呢個套餐價錢平啲但都好有驚喜：🦪 蟶子皇：我哋實在太鍾意蟶子啦，第二個餐都照樣要！新鮮夠味，每啖都滿足～而佢既蝦都好新鮮彈牙!🥓 肉類揀咗牛＋豬：•牛肉一樣咁出色；•豬肉則切得薄薄地，蒸完唔鞋又唔膩，啱啱好。🍲 主食升級：蟹皇粥（+$68）•我地架錢要左個蟹皇粥，我地食完蒸海鮮，店員會幫你煮粥加入蟹膏＋蟹肉＋芋頭，成煲粥香濃軟滑，超級鮮甜，係整個餐最圓滿既收尾😍！兩個餐都有沙律，小食，三寶丸，佢個牛丸
佢環境係用竹簾遮住，一個人食又得，幾個人食又得
我哋今次叫咗兩個套餐：
🍽️ 【八府巡按】$488
套餐好豐富，我哋揀咗：
🦞 半隻龍蝦＋帶子＋蟶子皇：
•龍蝦夠大隻，肉質爽口彈牙～蒸完無雪味，鮮味十足；
•帶子厚身飽滿，仲有少少海水味，夠晒鮮甜；
•蟶子皇係我心水！大隻開殼，肉滑又冇沙，食落唔腥。
🥩 肉類揀咗安格斯牛＋雞腿肉：
•牛肉切得啱啱好，唔會過薄，蒸完仲keep到油脂香；
•雞腿肉嫩滑唔嚡口，唔會蒸完變鞋。
🍚 主食：魚湯米粉
•魚湯底超香，入口滑順又夠濃，飲落有魚鮮味唔腥～米粉吸晒湯精華，真係一流！
🍽️ 【內務總管】$328
呢個套餐價錢平啲但都好有驚喜：
🦪 蟶子皇：我哋實在太鍾意蟶子啦，第二個餐都照樣要！新鮮夠味，每啖都滿足～
而佢既蝦都好新鮮彈牙!
🥓 肉類揀咗牛＋豬：
•牛肉一樣咁出色；
•豬肉則切得薄薄地，蒸完唔鞋又唔膩，啱啱好。
🍲 主食升級：蟹皇粥（+$68）
•我地架錢要左個蟹皇粥，我地食完蒸海鮮，店員會幫你煮粥加入蟹膏＋蟹肉＋芋頭，成煲粥香濃軟滑，超級鮮甜，係整個餐最圓滿既收尾😍！
兩個餐都有沙律，小食，三寶丸，佢個牛丸會爆汁，好好食架
🧾 整體
船渦主打蒸氣火鍋，唔洗煮唔洗睇火，每次教定時自動蒸熟，好適合鍾意傾計慢慢食嘅人。 食材夠新鮮，龍蝦＋蟶子皇＋蟹皇粥組合誠意滿滿！無論同朋友／情侶食都啱！
評分：👍🏻👍🏻👍🏻/5
整體味道指數：😋😋😋/5
性價比：💰💰💰/5
環境：❤️❤️❤️/5
服務：✅✅✅/5
张贴
