影片
更多
2019-04-12
319 浏览
今晚想食海鮮， 去咗銅鑼灣船渦。 親戚介紹嗰度海鮮夠新鮮， 而且仲係一人一鍋自己蒸。 呢個絕對係賣點。 坊间好多蒸海鮮 餐廳專門店，但都係 蒸完之後唔夠鮮味， 或者大集會一次過蒸，所以材料夠新鮮才是先決條件。如果冇訂位就要早啲去，因為即使平日餐廳都幾full. 座位間隔雖然好密， 但每個座位都有竹卷簾可以相隔， 即使一個人嚟食都可以靜靜享受。旁邊仲有 魚缸養住生猛活海鮮~蒸鍋就喺面前，仲有時間制同各種食材所需蒸煮時間， 用手機掃描barcode落單， 方便快捷。醬料區齊全。根據個人食量，口味，自選唔同嘅套餐，每位上。我哋叫咗《八府巡按》$328夠曬豐富，非常期待！套餐會跟一個主食， 可以揀粥，麵，米線或烏冬。好生猛嘅海蝦， 就喺個缸裏面捉上來。有馬刀貝， 帶子， 半隻膏蟹， 鮑魚，龍蝦開邊，海蝦，大白蜆， 聖子皇， 鮮魚片~最快速度先蒸大白蜆， 一定要跟住佢嘅 蒸煮時間三分鐘剛剛好。 蜆肉超鮮甜， 肥美飽滿又冇沙。接著蒸元貝，大蜆。 元貝好爽甜， 大蜆鮮甜得嚟仲好厚肉!五分鐘蒸鮑魚剛剛好， 咬落以為會好韌， 誰不知非常軟熟， 鮮甜! 比酒樓蒸嘅更恰到好處， 有點喜出望外。蒸蟹亦一流，
今晚想食海鮮， 去咗銅鑼灣船渦。 親戚介紹嗰度海鮮夠新鮮， 而且仲係一人一鍋自己蒸。 呢個絕對係賣點。 坊间好多蒸海鮮 餐廳專門店，但都係 蒸完之後唔夠鮮味， 或者大集會一次過蒸，所以材料夠新鮮才是先決條件。
如果冇訂位就要早啲去，因為即使平日餐廳都幾full. 座位間隔雖然好密， 但每個座位都有竹卷簾可以相隔， 即使一個人嚟食都可以靜靜享受。
旁邊仲有 魚缸養住生猛活海鮮~
蒸鍋就喺面前，仲有時間制同各種食材所需蒸煮時間， 用手機掃描barcode落單， 方便快捷。
醬料區齊全。
根據個人食量，口味，自選唔同嘅套餐，每位上。
《八府巡按》
$328
2 浏览
0 赞好
0 留言
我哋叫咗《八府巡按》$328夠曬豐富，非常期待！
套餐會跟一個主食， 可以揀粥，麵，米線或烏冬。
好生猛嘅海蝦， 就喺個缸裏面捉上來。
有馬刀貝， 帶子， 半隻膏蟹， 鮑魚，龍蝦開邊，海蝦，大白蜆， 聖子皇， 鮮魚片~
10 浏览
1 赞好
0 留言
最快速度先蒸大白蜆， 一定要跟住佢嘅 蒸煮時間三分鐘剛剛好。 蜆肉超鮮甜， 肥美飽滿又冇沙。
接著蒸元貝，大蜆。 元貝好爽甜， 大蜆鮮甜得嚟仲好厚肉!
五分鐘蒸鮑魚剛剛好， 咬落以為會好韌， 誰不知非常軟熟， 鮮甜! 比酒樓蒸嘅更恰到好處， 有點喜出望外。
蒸蟹亦一流， 雖然得半隻但係都勁多膏， 肉質結實鮮甜， 非常回味!
壓軸就係蒸龍蝦， 已開邊所以好容易就起到肉。 蝦頭都有唔少龍蝦膏， 食到依度真係過足海鮮癮！
蔬菜籃平平無奇， 但清蒸完 旺菜同西生菜 竟然係好甜， 但真係要每塊平鋪唔可以重疊， 屋企人多 嘅話呢種食法完全搞唔掂😂。 今晚咁樣每次只可以食兩，三塊菜， 量少特別珍貴好味！
搵到食返 牛肉，雞肉。 牛肉蒸完肉質嫩滑， 脂肪平均分佈，滿口盡是濃濃嘅肉味。 雞肉都唔差， 嫩滑有彈性。
平時嘅丸 已經冇做， 轉咗手工點心。 蒸蝦滑球，牛肉球和燒賣， 大大粒，肉質鮮嫩， 自家製作嘅蒸點心 特別好味。 蒸蝦滑丸尤其出色， 完全唔覺得溝咗粉或者豬肉。
輪到我點選嘅蕃茄魚湯肉碎烏冬， 先滔起表面嘅雜質同油， 再加魚湯煮三四分鐘。 稻庭烏冬好煙韌索滿湯汁。個汤唔係好濃郁嘅海鮮精華， 清清地配烏冬我反而鍾意， 仲可以當湯飲。
這裏飲品需要自費， 價錢可接受。
醬料區嗰邊仲有兩款丸可以自取， 雖然已經好飽但係仲想再試。 蒸丸類都係第一次
拉絲嘅 芝士丸， 蒸完比較乾身。
黑椒牛丸， 鋸扒嗰啲黑椒汁， 效果唔錯~
食到飽飽仲😉每人可選一款甜品～ 榴槤雪條
蒸爐嘅設計真係 值得一讚， 成個設計，流程， 选料都讓客人吃到最原始最鮮嘅味道!
店員仲介紹 午市 和下午時間仲抵食， 做緊推廣全單88折冇加一， 一人來吃也可樂得清靜！
张贴
