不串不散 (已結業)

銅鑼灣太多野食，唔知食咩好，所以就特登搵下有冇邊間新店，成日都食日式放題，今次就試下串燒啦！串燒放題其實好少見，星期五晚都怕冇位，所以就同男朋友六點鐘walk in，雖然坐門口位，但唔緊要啦！空間唔算大，但係兩個人既枱都夠大！一坐低老闆娘就好熱情介紹今日既時令海鮮，我地兩個都唔係好食海鮮，所以冇叫到七款個餐，只叫三款- 螺、卜卜蜆同埋大蜆。*呢度既串燒(除左海鮮)都係有專人幫你燒架！我個人黎講暖鐘意卜卜蜆，嗌左三round! 只加蒜蓉落去煮令到個個湯全部都係蜆味呀！之後就開始嗌肉類，特別推薦豬頸肉！係超好食！好食到我唔記得左影低🤣🤣🤣之後仲嗌左啲丸，好香孜然味！貪得意嗌左燒賣-但冇咩特別🙈呢到最特別係有得食撈丁，但係唔好一開頭就食，之後冇胃口食串燒就唔好啦！黑松露芝士撈丁- 冇咩黑松露味，但我地蠢左，一開頭就食，好膩😭😭😭🥴🥴食到濟左，建議後期食同朋友share! 估唔估到呢個係咩？唔係甜品！係咸蛋黃撈丁！其實見到果陣係好興奮，但食左第一啖之後就唔想再食🥴 因為一啖好似食左一個蛋黃咁🤦🏻‍♀️🤦🏻‍♀️🤦🏻‍♀️又食到好濟- 建議唔好嗌🤣 唔係唔好食，但太濃味食唔到咁多！茄子好大條同埋極多蒜