不串不散 (已結業)

每位百幾蚊嘅串燒放題任食佢喺銅鑼灣其實係幾抵食可惜最後都執咗飲品任飲串燒都係佢哋燒好然後拎出嚟畀你食唔使自己燒地下其實有少少黐立立廁所都算普通乾淨以咁嘅價錢喺銅鑼灣其實係無可挑剔可惜執咗笠仲要係良心小店真係有啲可惜呀

一路都想試呢間燒烤餐廳, 嚟到見到佢有三款唔同嘅餐可以選擇包括淨係食串燒冇海鮮嘅套餐或者係海鮮燒烤餐同我哋選擇嘅流水蝦餐。餐廳環境，樓面雖然得1個侍應但女侍應服務態度熱情有禮。知道我哋第一次黎里間餐廳，好熱情咁介紹唔同嘅套餐最終我哋揀咗流水蝦套餐首先一上左一碟蝦，之後每次最多可以六隻咁嗌，其他嘢食就唔會有張紙比你去填寫，咁就根據你選擇嘅嘢食佢會送上嚟。咁基本上除咗流水蝦以外其他嘢食質素一般如果唔係嗌咗流水蝦就咁$98任食就性價比就一般，都有嘢飲提供，包括汽水檸檬茶等等另外啤酒可以提供。每張枱上面都有唔同嘅調味粉方便你去加喺串燒，全個用餐過程其實都好滿意尤其是女侍應嘅服務態度。

今日2:30同男朋友準時黎左食下午茶既「任飲任食」我地專登就係衝住「磯燒流水蝦+串燒放題」黎的！我有學生優惠，$138蚊，同男朋友$178黎到果陣得一枱人，環境靜到以為未開門，老闆娘好好人即刻招呼我地坐低，揀左食流水蝦加串燒後佢就即刻拎爐、同蝦出黎，哇，啲蝦係勁勁勁勁大隻，超靚，超surprise!!!!老闆娘話啲蝦貨係一時時，有時冇咁大隻，有時好大隻，我地今次黎就超好彩係勁大隻！可能因為冇咩客既緣故，佢間中都會走出黎幫我地望下啲蝦熟未，仲教埋我地點睇隻蝦熟。到啲蝦熟之後，一剝開個頭，啲膏係湧曬出黎，啜落去簡直覺得自己超幸福，好好好好好食！！！重點係啲蝦係勁鮮甜，仲要係任食！之後當然都要食下串燒，我同男朋友因為打算狂食蝦，所以串燒都食得唔太多，依有啲串燒真係好好食，好推薦大家食！「麻辣蒜蓉燒茄子」、「燒蜜糖菠蘿」、「脆皮香蕉」、同埋「香辣醬燒雞中翼」真係一定要試，其他就比較普通，我會建議大家留返個肚食蝦。不過依度一提，依間店因為疫情緣故，做埋依個月就唔做啦…老闆娘話疫情後都未必會開返，大家得閒記得去食下先呀！

非常麻麻的放題晚餐，我哋嗰日三個人叫咗流水蝦套餐，$238+$28，仲要加一。全程一個半小時。海鮮（流水蝦）唔新鮮，食物質素麻麻地，串燒味道亦不好，好似全部串燒都係一款醃料，叫吾同嘅串燒雞翼，嚟嘅時候放埋一碟，根本分唔到邊款打邊款，炸点心亦好乾，尤其係幾款公仔麵更加難食，款式雖然多選擇，但都係好一般，價錢亦唔算平，唯獨是服務生吾錯，雖然佢答唔出雞翼種類，不過整體服務不錯，唯獨是食物不值，唔會再去。

舊同學聚會，友人上網見到不串不散的簡介很吸引，所以決定一試。本人十分喜愛吃生蠔，得知這家店舖推出任食生蠔優惠，十分吸引，決定一試！當日預約了7時正，我們收工早到了(約6時40日)，而店員都很好提早安排位置。一到步看到餐牌有幾項套餐可供選擇，分別是任食磯燒蝦、生蠔及大閘蟹。當然我們已有心水，選擇任吃生蠔的套餐。這家店的生蠔描述是由法國出產的，第一碟上的生蠔味道鮮甜，感覺師傅也有清潔乾淨，蠔的大小是中碼，不是太瘦弱的尺寸，一啖進口剛剛好。整體一晚的生蠔的水準平均，值得一讚！我們也有點了不同的串燒，味道也不過不失，包括雞軟骨、茄子、牛舌、羊肉等等。飲料方面，選擇不算太多有數款汽水、約兩款啤酒(不是大熱款式)及枝裝水。全晚我只是喝了一罐汽水，反而枝裝水比較吸引我。價錢方面，如果喜歡吃生蠔是值得的，因為當晚我一人吃了22隻進肚，值回票價。值得一提是此套餐是限時的關係，如果進食速度比較慢的朋友仔要留意一下。

呢間店嘅服務同選址都唔錯，而食物質素不過不失啦，串燒除咗牛脷都幾好食，而且仲提供好多唔同嘅粉俾你揀👍🏻👍🏻但係生蠔就唔算好鮮味，一人食一輪已經唔想繼續。特別推薦佢個燒茄子幾好食😋

不串不散係老婆一直想試既餐廳，串燒來說，他不是那種好重七味粉好多紅色唔知乜粉的串燒，而係好有肉味，可以食到食物原味，可以話是真正串燒肉。有時係大陸食串燒真係好平10蚊5串，但d粉蓋過肉味，仲有傳老鼠肉真係好驚，呢到208就可以食到放題，你能看到是大大件肉，而不是小小的一粒粒，食得好放心，而且感覺好好食，d食物真係唔錯。流水蝦更是重點，建議可以剩係食流水蝦放題package, 海鮮放題都ok，但你未必夠時間和肚食咁多，d海鮮新鮮而且同流水蝦一樣自己燒，流水蝦係好好食，仲有d爆膏都唔錯！

香港甚少有磯燒放題，見到大家打哂卡好吸引，所以打算試試。晚巿放題分三類，可以揀90或120分鐘。見星期五唔想食得咁趕，傾下計。最後我地揀左：🔸 磯燒6款精選海鮮 + 磯燒流水蝦 + 串燒放題（120分鐘） - $338/位。星期五、六、日要加$28/位附加費，姐係加10%要$400/位。價錢上唔算特別平，所以都有少少期望。餐廳看似幾人氣，星期五PEAK HOUR我地早1.5星期前就訂左枱。7點去到直接安排入座。舖面唔大，出升降機後一眼睇哂。當時入座率為1/3，已經感受到煙燻既空氣，睇黎抽氣系統做得麻麻。（小店黎計，都體諒到燒肉店/串燒店唔多唔少都會有少少油煙。）安排入座後，店員放低餐牌並無加以講解就走左，後來問清楚先做到決定。飲品自助形式提取，有7-8款，普通貨色。不知名啤酒，味道麻麻地。一開始店員放低左海鮮拼盤，每樣2件。海鮮包括生蠔、帶子、螺、鮑魚、青口、流水蝦、卜卜蜆。賣相唔特別吸引，店員等我地影完相幫我地開爐放上去燒。食物質素感覺唔到好新鮮，越燒就越縮...帶子同蠔仲收哂水。海鮮食落淡而無味，更不要說鮮味，有D奇怪...流水蝦大隻既，燒完都幾似樣。蝦膏同汁就無乜，肉質一般，唔會

不串不散係男朋友一直想試既餐廳，感覺中庸，唔算好食，但有d食物都唔錯，建議可以剩係食流水蝦放題package當日簡左海鮮放題，但感覺d海鮮唔係太新鮮，同埋自己燒唔知燒幾耐所以好干，但流水蝦係好食既，仲有d爆膏都唔錯😄其餘有幾款燒物都唔錯可以一試，冬菇，翠肉瓜，波蘿，其餘個d圓類有點似烚熟就串埋比你，最後我自己再係爐道燒多陣先有燒烤感覺，台上面有其他調味都可以加一加仲有d麵類咸蛋黃/黑松露芝士撈麵，個人覺得普普通通，不過服務搭救，雖然食物麻麻，但服預令你覺得幾Warm會想再去，不過下次就唔會再簡海鮮放題

蠔解凍唔切 第二盤已冰的 每次只能半打上 仲要等好耐不能同時有爐燒 燒物要等 海鮮類要加錢先有飲品選擇唔多 無茶類串燒每次六款 最多十串串燒種類不及放題多 唔會有下次啦職員態度還好

最近好努力發掘好食既串燒店, 但又要款式多, 又要好味真係有點難😐不串不散款式唔算多, 大部分都係孜然汁, 正正常常唔係太驚艷😉<流水蝦>流水蝦menu冇, 但跟餐可以任叫💁🏻‍♀️朋友同我一致認為最好食係流水蝦, MVP係佢啦🏆肉質正常, 但係好多膏!! 蝦膏唔係食兩啖就覺得太濃濃到喉嚨唔舒服個隻, 所以encore都冇有怕🙆🏻‍♀️但未夠9點就冇哂啦, 一人兩隻唔係幾滿足😢<珍珠帆立貝>因為冇流水蝦, 老闆娘(應該係?!)比其他海鮮我地揀, 我地叫左個帆立貝, 食落唔係幾新鮮👽<黑椒醬燒牛柳>🐂正常肉味, 肉質偏柴皮<香辣醬燒豚肉>🐖用左少少時間搵佢出黎, 因為食左幾串都唔覺邊串係辣既😅朋友同我都唔食得辣但又想食豬所以叫黎試下💁🏻‍♀️所以...想食辣既朋友可能叫完再自己加粉啦🧂<孜然汁燒雞軟骨&雞中翼>🐓覺得佢個孜然汁幾好味, 如果用孜然粉可能唔會舊舊肉都照顧到🧐雞軟骨好食, 真係串燒必食難中伏首選👍🏻雞翼就麻麻地, 肉好似冇醃過, 靠哂出面啲孜然汁其實唔係幾夠味👽<芝心丸&蟹籽丸&墨魚丸>

早前已經相約一班舊同學，打算前往不串不散吃流水蝦及串燒晚市放題，因疫情關係而取消了。最後，我和男朋友於openrice預約了下午茶時段前往。💃🏻.現時餐廳正進行疫情優惠價，💁🏻‍♀️下午茶任飲任食原價$168，選擇60分鐘就可半價$84，選擇90分鐘就七折$118，另需加一服務費。若星期五、六、日前往，再需加$28附加費用。我們二人選擇90分鐘，合共$330。🌝.🍽：因為我非常愛吃蝦，所以本來一心想試試流水蝦，怎料到職員表示暫時沒有供應流水蝦，只能在珍珠貝、翡翠螺及生蠔中選一樣。😔最後，我們選了珍珠貝。職員當時亦有說明珍珠貝較細小，所以已有心理準備。但看見的確有一種不新鮮的感覺，加上她每次只會給4個，吃完再向她說。😐.🍽：串燒方面，種類不算很多。牛肉不推介，放了很多調味料醃製，丸類（牛丸、芝心丸、墨魚丸）、雞軟骨、雞翼及粟米味道一般，需要自行加調味粉。.「麻辣蒜蓉牛油金菇」「麻辣蒜蓉燒茄子」🍽：不像經過燒烤烹調，反而像蒸出來的。完全沒有辣味，只有蒜蓉的味道。.「黑松露芝士撈丁」🍽：味道還好，吃到黑松露的香味。💁🏻‍♀️：值得一提的是，當時只有三檯客人及一位職員，該名職員服務態度很好，會提醒

黃藍是政見，好味是良知。成日聽手足講呢間，終於都試咗。但老實講，啲嘢真係唔好食，呢個價錢比呢個質素嘅食物，有啲失望。揀咗個任食海鮮串燒放題，雖然係任食，但係佢啲生蠔同埋扇貝都勁細隻，冇肉食咁濟。唯一比較好食就係蝦同埋翡翠螺。麻辣燒茄子都冇串燒嘅感覺，辣都唔係好夠辣，金菇成舊上，好奇怪。我覺得可以加番啲蔥同埋辣椒，蒜蓉用返生蒜。肉類串燒都麻麻哋，啲肉唔算好新鮮，同埋燒得唔夠香。最後埋單先發現有$28附加費，原來星期六日或者假日就會每位加$28 ，但另外又有+1，完全唔理解。經OpenRice訂雖然有七折，但+1服務費係跟原價收，最後每人$300埋單，但係食呢啲質素就覺得唔抵食。服務態度非常好，姐姐好熱情，希望可以改善埋食物嘅質素。💪🏻💪🏻💪🏻

不串不散💛一直都好想幫襯呢間串燒放題多款又抵食因為正苦6點後禁堂食 小店為左求生推出左午市半價優惠原價再半價後2人先只係$150幾仲要係任飲任食埋單比左$200唔洗找店員都追返岀黎話 多左既會入落手足捐款箱希望大家多多懲罰佢地唔想佢地因為疫情 捱唔住要結業😭😭入正題 講返啲串燒先試左牛柳 牛舌 牛丸 雞翼蔬菜類都好豐富試左粟米 翠玉瓜 韮菜 金菇 小紫薯仲有黑松露芝士撈丁 超邪惡最後都食唔哂個撈丁 有啲濟🤭推薦既係牛舌 係厚燒牛舌🤤夠厚又唔會鞋 好爽口牛丸都好juicy會爆汁仲有蔬菜類既 每樣都好好食唔係燒到好乾 十分juicy韮菜都比平時食既好味 味粉唔會太多唔會淨係食味粉 又有汁每樣野都睇得岀好有誠意 唔會將貨就價就算用返原價價錢食 都好抵食希望佢會捱得過疫情等我開返晚市之後再懲罰真係又好食又抵食大家要多啲去懲罰💛

Recently, the company is forced to take a holiday, although there is no money, but there is freedom, so I will invite friends to eatToday, I made an appointment with a friend on the left for dinner. Everyone is not going to return to work, so you can go out early and I will go to the left Causeway Bay.Yidu is a yellow shop, there are many yellow shop colors, sit down so quickly, someone greets, how good the service isAll you can eat skewers, don’t know it’s so good, you can try it this timeThe s