Good Good (已結業)

早前難得有朋友放假，終於可以唔使獨食喇🙌🏼，於是乎一行三人決左嚟西環食好啲。首站再嚟食日式健康飯🍚，星期五下晝2點幾嚟到，但要排隊排到5點先有得食😳，好彩有預約取消先可以插隊，否則要轉場，真係無諗過平日下晝都可以咁多人！😓.上次嚟食咗 #GoodGood飯 ，今次就推介畀朋友，自己就改食 #中華冷麵·煎餃子($108)，菇、炒蛋🥚、蕃茄🍅、青瓜絲🥒配上酸酸甜甜嘅冷麵汁，令人好開胃，啱晒呢排咁悶熱嘅天氣！餃子有4隻，正常水準，不過不失。🙂.#椒麻麵 ($72) ，口感煙韌嘅刀削麵連溏心蛋🥚、雲耳、青瓜絲🥒、花生碎等配料，配埋麻辣汁一齊食，好惹味！👍🏽