馬辣台式鴛鴦火鍋 (創興廣場)

营业中

休息中

經歷2個多月，終於完成6場活動，真心係時候要勁擦一餐。🥳🥳🥳 唔想用腦，又想勁食，最好就係任飲任食打邊爐🥘。今次阿叔一行3人嚟咗呢間位於旺角創興廣場一間火鍋店食晚飯，呢度主打台式火鍋，鴛鴦湯底加埋任飲任食，晚市都係每位$188，以呢個時勢嚟講，咁又真心幾平既！😲😲😲 呢度一共有8種湯底：麻辣、胡椒豬肚、沙爹、蔬菜等，連泰式冬蔭功都有；火鍋料除咗牛🐮、豬🐷、羊肉外、亦有少糧海鮮🐟、大量丸類、蔬菜🥬；不過最估唔到係佢哋居然有埋即叫即做嘅甜品🥞，可以話啱晒一眾大胃王人士嚟食過夠！