尚鮮日式燒肉漁市場 (已易手) 新餐厅

呢間位於銅鑼灣謝斐道嘅上樓日式餐廳都幾受人歡迎，原因係佢哋晚晚做緊A5和牛🐂放題，價錢唔單止大眾化，而且聽聞質素都唔差🙂。今次阿叔同朋友下晝嚟食晏，雖然無和牛放題，不過午市亦有多款抵食夾大件嘅定食提供：鍋物🥘、丼飯🍚、刺身🐟、燒物🍢樣樣日式料理都有，總有一款你會鍾意。另外，呢期佢哋做緊二人👫🏻同行，一位半價，難怪長期店內都人山人海啦！ 岩手產黑毛和牛壽喜燒 ($168)，超豐富又抵食嘅定食！首先，黑毛和牛🐂有三大塊，肉味都幾夠濃，職員上菜時已半生熟，可即時食。除咗和牛外，呢個鍋仲有豆腐、娃娃菜🥬、冬菇、金菇，而且隨餐亦有3款時令刺身、沙律🥗、麵豉湯🥣、蒸蛋、白飯同甜品提供，份量好似提供畀相撲手咁，食得晒成個餐包你飽到反艇😆！ 特上刺身御膳 ($208)，定食包有六款刺身🐟，包括三文魚、赤身、章紅魚、油甘魚、帆立具同牡丹蝦，每款刺身都幾新鮮肥美，絕對可以滿足鍾意食魚生嘅你同我。呢個餐同壽喜燒一樣，除主食外，一樣跟有沙律、麵豉湯、蒸蛋、白飯同甜品。一心想增肥嘅人，下次可以嚟試吓！食足一星期，包你見效！😏😏😏